पीएम कप सेमिफाइनलः आर्मीबिरुद्ध टस जितेर फिल्डिङ गर्दै बागमती

काठमाडौं । प्रधानमन्त्री कप राष्ट्रिय एकदिवशीय क्रिकेट प्रतियोगिताको दोस्रो सेमिफाइनल खेलमा आज बिभागीय टोली त्रिभुवन आर्मी र बागमती प्रदेशबीच हुँदैछ ।

त्रिवि क्रिकेट मैदानमा बागमतीका कप्तान ज्ञानेन्द्र मल्लले टस जितेर पहिले फिल्डिङ गर्ने निर्णय गरेका छन् ।

समूह चरणमा बागमती समूह बी को विजेता र आर्मी समूह ए को उपविजेता बन्दै सेमिफाइनलमा भेट पक्का गरेका हुन् ।

यो खेलको विजेताले उपाधिका लागि एपीएफसँग खेल्नेछ । हिजो भएको पहिलो सेमिफाइनलमा एपीएफले बिभागीय प्रतिस्पर्धी नेपाल पुलिसलाई ३० रनले पराजित गरेको थियो ।