हिसाब निकाल्दै वामदेवले भने – फुटेर चुनावमा गए नेकपाले हार्ने निश्‍चित – Nepal Press

हिसाब निकाल्दै वामदेवले भने – फुटेर चुनावमा गए नेकपाले हार्ने निश्‍चित

काठमाडौं । विभाजित नेपाल कम्युनिष्ट पार्टीका उपाध्यक्ष वामदेव गौतमले फुटेर निर्वाचनमा जाँदा नेकपा पराजित हुने निश्चित रहेको बताएका छन् ।

उनले नेकपा एकता अभियानको औपचारिक घोषणा गर्ने क्रममा अघिल्लो चुनावी नतिजाको आँकडा प्रस्तुत गर्दै विभाजित नेकपाले चुनाव जित्न नसक्ने भविष्यवाणी गरे ।

वामदेवको भनाइ यस्तो थियो- 

गत चुनावमा हामी पार्र्टी एकता गएर गएका थियौं । नेकपाको पक्षमा लहर आएको थियो । त्यस्तो अवस्थामा दुर्ई पार्टी मिलेर ल्याएको मत जम्मा ४३ लाख हो । नेपाली कांग्रेसले ल्याएको ३० लाख हो । अब अहिलेसम्म ५-७ लाख मतदाता बढे होला । विभाजित अवस्थामा हाम्रो पक्षमा लहरमा आउने छैन । त्यसैले दुईतर्फ भोट बाँडिदा २१-२१ लाख लाख हुन्छ । २२ लाख मात्रै अर्को पार्टीले मत प्राप्त गर्यो भने हामीलाई पछार्छ ।

कांग्रेसले पहिल्यै ३० लाख ल्याएकोमा अब झन् बढ्न सक्छ । त्यसैले नेकपा पराजित हुने भन्दा अर्को विकल्पै छैन । दुई चार ठाउँमा जिन्त सकिएला । फुटेर गइयो भने हार्ने निश्चित छ । अर्को पार्टी सरकारमा पुग्ने पक्का छ । अहिले दुवै पक्षले चुनाव जित्छौं भनेका छौं । त्यसलाई सिद्धान्तले गलत सावित गर्छ । निर्वाचन निर्माणका निम्ति हो, ध्वंसका निम्ति होइन ।’

प्रतिक्रिया

Leave a Reply

Your email address will not be published.

सम्बन्धित खवर