माया ज्ञवाली प्रचण्ड-माधव समूह छाडेर वामदेवतिर – Nepal Press

माया ज्ञवाली प्रचण्ड-माधव समूह छाडेर वामदेवतिर

काठमाडौं । प्रधानमन्त्री केपी शर्मा ओलीविरुद्ध अविश्वास प्रस्तावमा हस्ताक्षर गरेकी नेकपा सांसद माया ज्ञवाली प्रचण्ड-माधव पक्ष छाडेर वामदेव गौतमको एकता अभियानमा सामेल भएकी छन् ।

नेकपा एमालेका तत्कालीन महासचिव मदनकुमार भण्डारीसँगै दासढुंगा दुर्घटनामा निधन भएका संगठन विभाग प्रमुख जीवराज आश्रितकी पत्नी ज्ञवाली प्रतिनिधिसभामा तत्कालीन एमालेबाट समानुपातिक सांसद थिइन् ।

मञ्‍चमा बसेकी ज्ञवाली (बीचमा)

वामदेव गौतमको एकता अभियान घोषणासभामा उनी वामदेव पत्नी तुलसा थापासँगै मञ्चमा बसेकी छन् । थापा पनि समानुपातिक सांसद हुन् । उनले भने अविश्वास प्रस्तावमा हस्ताक्षर गरेकी थिइनन् ।

अविश्वास प्रस्तावमा हस्ताक्षर गरेका विघटित प्रतिनिधिसभाका सदस्यमध्ये भैरववहादुर सिंह र यज्ञ बोगटी केपी ओली पक्षमा लागिसकेका छन् भने प्रभु साह मन्त्रीनै भइसकेका छन् । लालबाबु पण्डितले आफ्नो हस्ताक्षर दुरुपयोग भएको बताएका छन् ।

प्रतिक्रिया

Leave a Reply

Your email address will not be published.

सम्बन्धित खवर