तीन दिनको आन्दोलन तय गर्दै सकियो कांग्रेस बैठक – Nepal Press

तीन दिनको आन्दोलन तय गर्दै सकियो कांग्रेस बैठक

भ्रातृ संस्थाहरूकाे म्याद थपियो

काठमाडौं । तीन दिनको आन्दोलन कार्यक्रम तय गर्दै प्रमुख प्रतिपक्षी दल नेपाली कांग्रेसको केन्द्रीय समिति वैठक सकिएको छ । आन्दोलनमा जान अनिच्छुक सभापति शेरबहादुर देउवा वरिष्ठ नेता रामचन्द्र पौडेलको जोडबलपछि वाध्य भएका थिए ।

दिउँसो तीन बजे बोलाइएको बैठक आन्दोलनकै विषयमा देउवा र पौडेलबीच कुरा नमिल्दा ढिला सुरु भएको थियो । अन्ततः आन्दोलन कार्यक्रमबारे दुई नेताबीच सहमति भएपछि बैठक बस्यो । दुई नेताको सहमतिलाई अनुमोदन गर्दै बैठक सकिएको छ ।

कांग्रेसले माघ १९ गते, २४ गते र ३० गतेका लागि आन्दोलन कार्यक्रम तय गरेको छ । १९ गते भातृ संस्थाले, २४ गते शुभेच्छुक संगठनले आन्दोलन गर्ने छन् भने ३० गते जिल्ला स्तरीय प्रदर्शन आयोजना गरिने छ ।

नेविसंघ, महिला संघ, किसान संघ, दलित संघसहित म्याद सकिएका भ्रातृसंस्थाहरूकाे म्याद सकिएकाे मितिले ६ महिना थप गर्ने निर्णय पनि बैठकले गरेको छ ।

प्रतिक्रिया

Leave a Reply

Your email address will not be published.

सम्बन्धित खवर