अमेरिकाको पहिलो महिला अर्थमन्त्रीका रुपमा येलेनको नाम सिनेटबाट पारित – Nepal Press

अमेरिकाको पहिलो महिला अर्थमन्त्रीका रुपमा येलेनको नाम सिनेटबाट पारित

एजेन्सी । अमेरिकी सिनेटले सोमबार सर्वसम्मत पारित गरेपछि जानेट येलेन अमेरिकी इतिहासमै पहिलो महिला अर्थमन्त्री (युएस ट्रेजरी सेक्रकेटरी) नियुक्त भएकी छन् ।

येलेन सन् २०१४ देखि २०१८ सम्म अमेरिकाको केन्द्रीय बैंककी प्रमुख थिइन् भने त्यसपछि अमेरिकी सिनेटको अर्थ कमिटी सदस्यमा निर्वाचित भएकी थिइन् ।

उनले कोरोना महामारीको समयमा राष्ट्रपति जोय बाइडेनको प्रशासनका लागि आर्थिक व्यवस्थापनको दायित्व पूरा गर्नुपर्नेछ । कोरोना भाइरसको महामारीपछि अमेरिका आर्थिक रुपमा सक्षम हुन संघर्ष गरिरहेको छ ।

जनवरी १९ मा अमेरिकी कंग्रेसमा भएको पहिलो सुनुवाइका क्रममा येलेनले खर्बौंको आर्थिक सहायता कार्यक्रमका लागि अनुमति मागेकी थिइन् । त्यहाँ उनले भनेकी थिइन् कि सांसदहरुले राष्ट्रिय ऋणको चिन्ता छाडेर एउटा ठूलो काम गर्नुपर्‍यो ।

जवाफमा रिपब्लिकन सांसदहरुको उनको प्रस्तावको बिरोध गरेका थिए । तर उनले आफ्नो दावीलाई तथ्यगत रुपमा पुष्टि गर्ने प्रयास गरेकी थिइन् । उनले कम आय भएका परिवार, बेरोजगार नागरिकलाई यो सहायता योजना प्रभावकारी हुने र अमेरिकी अर्थतन्त्र प्रतिस्पर्धात्मक बनाउनका लागि ठूला लगानीकर्तालाई प्रोत्साहित गर्नुपर्ने बताएकी थिइन् ।

प्रतिक्रिया

Leave a Reply

Your email address will not be published.

सम्बन्धित खवर