मेनपावरपछि सेक्युरिटी कम्पनीमा विभागको छापा, अवैध कागजपत्र बरामद – Nepal Press

मेनपावरपछि सेक्युरिटी कम्पनीमा विभागको छापा, अवैध कागजपत्र बरामद

काठमाडौं । काठमाडौंको सिनामंगलस्थित म्यानपावर बजारमा रहेको कल्याण सेक्युरिटी सर्भिस प्रालिमा वैदेशिक रोजगार विभागले छापा मारेको छ ।

भारतको बाटो हुँदै २२ जना नेपाली युवालाई अवैध रुपमा कतार प्रहरीमा लैजानका लागि अन्तर्वार्ता लिइरहेको सूचना पाएपछि विभागले आज दिउँसो छापा मारेको हो । विभागको टोलीले कतार प्रहरीका लागि अन्तरवार्ता लिइएका २२ जनाको शंकास्पद फारम पनि बरामद् गरेको छ ।

पछिल्लो समय सिनामंगलको कल्याण सेक्युरिटीबाट कतार जानका लागि २२ जना युवाले कागजपत्र पेस गरेको थिए । वैदेशिक रोजगार ऐनविपरीत नेपाली युवालाई भारतको बाटो हुँदै गैरकानुनी रुपमा कतार प्रहरीमा पठाउन लागेको सूचना पाएपछि छापा मारेको विभागका महानिर्देशक कुमार दाहालले नेपाल प्रेसलाई जानकारी दिए ।

विभागले निरन्तर म्यानपावर कम्पनीमा छापा मार्न थालेपछि पछिल्लो सयम व्यवसायीले सेक्युरिटी कम्पनीमा अन्तरवार्ता लिन थालेका छन् । विभागले एक महिनाअघि पनि कतार प्रहरीको अवैध अन्तर्वार्ता लिनमा संलग्न विभिन्न तीन म्यानपावर कम्पनीमा छापा हानेको थियो ।

त्यसपछि भएको अनुसन्धानमा कतार सरकार नै अवैध रुपमा नेपाली श्रमिकलाई कतारको प्रहरीमा लैजान लागेको खुलेको थियो । कतार प्रहरीमा पठाउने क्रममा ९ देखि १५ लाखसम्म प्रतिव्यक्ति अशुली गरेको यसअघिनै खुलाशा भएको थियो ।

प्रतिक्रिया

Leave a Reply

Your email address will not be published. Required fields are marked *