प्रदेश १ का लागि कोरोना विरुद्धको ९६ हजार खोप – Nepal Press

प्रदेश १ का लागि कोरोना विरुद्धको ९६ हजार खोप

विराटनगर । भारत सरकारले सहयोग स्वरुप पठाएको कोरोना विरुद्धको ९६ हजार डोज खोप प्रदेश १ मा पनि आईपुगेको छ ।

सोमबार प्रदेश नं. १ को राजधानी विराटनगरमा पहिलो चरणमा लगाउने खोप आएकोे हो ।

प्रदेश १ का सबै १४ जिल्लालाई पर्याप्त हुने गरि डबल डोजको खोपको ९६ हजार खोप आइपुगेको सामाजिक विकास मन्त्रालयका स्वास्थ्य महाशाखा प्रमुख सागर प्रसाईले बताए ।

विराटनगर आईपुगेको खोप माघ १३ गते बेलुकासम्म प्रदेशभरिका सबै जिल्लाहरुमा आवश्यकता अनुसार खोप पुगिसक्ने प्रमुख प्रसाईले जानकारी दिए ।

प्रदेशभरिका प्रत्येक जिल्ला अस्पताल र केही ठुला अस्पतालहरुबाट प्रथम चरणमा कोरोना महामारीका बिच अग्रभागमा रहेर क्रियाशील स्वास्थ्यकर्मी, सरसफाईकर्मी र सुरक्षाकर्मीलाई कोरोना विरुद्धको खोप लगाउने प्रदेश सरकारको योजना छ ।

प्रथम चरणमा ३५ हजार ५ सय ७६ जना लक्षित जनशक्तिलाई कोरोना विरुद्धको खोप लगाउने तयारी रहेको प्रदेश सरकारको सामाजिक विकास मन्त्रालयका स्वास्थ्य महाशाखा प्रमुख प्रसाईले बताए।

प्रथम पटक खोप लगाईसकेका व्यक्तिले १ महिनापछि पुनः दोश्रोपटक खोप लगाउनुपर्ने भएकाले प्रदेशलाई हाल कुल ७१ हजार १ सय ५२ डोज कोरोना विरुद्धको खोप आवश्य पर्छ ।

तर केन्द्रसरकारले पहिलो चरणमै सोमबार ९६ हजार डोज कोरोना विरुद्धको खोप विराटनगर पठाएको छ। यो सगै दोश्रो चरणको खोपपनि प्रदेश सरकारसँग पर्याप्त रहेको स्वास्थ्य महाशाखा प्रमुख प्रसाईले बताए ।

कोरोना विरुद्धको खोप विराटनगरस्थित प्रदेश स्वास्थ्य आपुर्ति व्यवस्थापन केन्द्रमा भण्डारण गरिएको छ ।

प्रतिक्रिया

Leave a Reply

Your email address will not be published.