‘गडजिला भर्सेस कङ’को नेपाल रिलिज डेट घोषणा, अफिसियल ट्रेलर लन्च

काठमाडौं । बहुप्रतीक्षित हलिउड फिल्म ‘गडजिला भर्सेस कङ’को नेपाल रिलिज मिति तय भएको छ । एप्पल इन्टरटेनमेन्टका अनुसार वार्नर ब्रोजको यो फिल्म जेठ ७ गते (मे २१)मा प्रदर्शन हुनेछ ।

कोरोनाभाइरस महामारीले हलिउडका ठूला फिल्म रिलिज पोस्टपोन्ड भैरहँदा किङ कङको श्रृंखलाले मिति तय गरेको हो । फिल्मले अफिसियल ट्रेलर पनि सार्वजनिक गरेको छ ।

गडजिला भर्सेस किङ हलिउडको शाष्त्रीय राक्षसको युद्ध कथा हो । ट्रेलरमा अजंग एक राक्षस र ठूलो एपको लडाइ समेटिएको छ । यो एउटा शक्तिको कथा हो । ‘विश्वमा आउने संकटलाई रोक्न एउटा किङ हामीलाई चाहिन्छ’ निर्देशक एडम विंगडले भने ।

फिल्मचाहिँ हलिउडमा एचबीओ म्याक्ससहित फिल्म हलमा रिलिज हुनेछ । यो फिल्म भारत र नेपालमा एकसाथ प्रदर्शन हुनेछ । वितरक कम्पनी वार्नर ब्रोजले सन् २०२१ सम्मका सबै ठूला फिल्मलाई हाइव्रिड प्रणालीअन्तर्गत रिलिज गर्दैछ ।

ठूला फिल्म (हलिउड, नेपाली र बलिउड) नहुँदा यतिबेला नेपाली बक्सअफिसको पाइपलाइन रित्तो छ । झन्डै शुन्य अकुपेन्सीमा यतिबेला नेपाली थिएटर चलिरहेका छन् ।

यसैबीच, बाहुबली फेम्ड निर्देशक एसएम राजा मौलीको प्रतीक्षित फिल्म आरआरआरको प्रदर्शन मिति १३ अक्टोबरलाई तय भएको छ । पाँच दिने सप्ताहन्त विदासहित फिल्म रिलिज हुन लागेको हो ।