मलेसियामा ज्यान गुमाउनेको कथामाथि फिल्म ‘चिसो मान्छे’, दीपेन्द्र खनालले निर्देशन गर्ने – Nepal Press

मलेसियामा ज्यान गुमाउनेको कथामाथि फिल्म ‘चिसो मान्छे’, दीपेन्द्र खनालले निर्देशन गर्ने

मलेसियामा मृत्यु भएका १७ नेपालीको शव शनिबार स्वदेश ल्याइयो । अझै २० भन्दा बढी शव ल्याउन बाँकी रहेको सरकारी तथ्यांक छ ।

शनिबार काठमाडौं विमानस्थलको दृश्य भने अन्य दिनभित्र भिन्न र भावुक देखियो । मलेसिया श्रमबजारमा ज्यान गुमाउने नेपालीका परिवारको कारुणिक रोदनका दृश्य गम्भिर थियो ।

पैसा कमाउन विदेश गएका नेपाली श्रमिकको यो दुःखान्त दृश्यले एकैसाथ नेपाली अर्थतन्त्र, समाज र राजनीतिलाई प्रश्न फ्याँक्छ । यो विषयवस्तुलाई अब फिल्मको पर्दामा चित्रण गरिने भएको छ ।

मान्छे रुवाउन खप्पीस निर्देशक दीपेन्द्र के. खनालले निर्माण एवं निर्देशन गर्न लागेको फिल्म ‘चिसोमान्छे’ शनिबार काठमाडौं एयरपोर्टमा देखिएको दृश्यलाई पोएट्रे गर्छ । लकडाउन पछाडिको सेटिङमा नेपाली समाजको अँध्यारो पाटो फिल्ममा चित्रण हुनेछ ।

नेपालप्रेससँग कुरा गर्दै निर्देशक खनालले काठमाडौंदेखि बझाङसम्म एउटा शवलाई लिएर गरिएको यात्राको कथा फिल्मले पेश गर्ने जनाए । एयरपोर्टमा उतारिएको एउटा शव बाकसको तस्विर पोस्ट गर्दै उनले लेखे –उहि गाडी, त्यही बाकस, त्यस्तै कविता… चिसो मान्छेको एउटा दृश्य हुबहु । हार्दिक श्रद्धाञ्जली ।

एयरपोर्टको उक्त दृश्य फिल्म ‘चिसो मान्छे’को कथावस्तु र दृश्यसँग दुरुस्तै रहेको उनले जनाए । फागुन पहिलो सातादेखि छायांकन सुरु हुने फिल्ममा अर्पण थापा, स्वस्तिमा खड्का र देशभक्त खनालको मुख्य भूमिका हुनेछ ।

प्रतिक्रिया

Leave a Reply

Your email address will not be published.

सम्बन्धित खवर