प्रदेश १ मा ३५ हजार फ्रन्टलाइनरलाई कोरोनाविरुद्धको खोप दिइने – Nepal Press

प्रदेश १ मा ३५ हजार फ्रन्टलाइनरलाई कोरोनाविरुद्धको खोप दिइने

विराटनगर । प्रदेश १ सरकारले पहिलो चरणमा ३५ हजारलाई कोरोना भाइरसविरुद्धको खोप दिने भएको छ । प्रदेशमा झण्डै ३७ हजार खोप आज आउँदैछ ।

१४ माघबाट प्रदेशका १४ वटै जिल्लाका ३५ हजार फ्रन्टलाइनरलाई खोप लगाउने गृहकार्य थालिएको प्रदेश १ सामाजिक विकास मन्त्रालय अस्पताल विकास महाशाखा प्रमुख सागर प्रसाईंले बताए ।

१० दिनभित्र स्वास्थ्यकर्मीलाई खोप लगाइसक्ने तयारीका साथ स्थानीय तहहरूबाट खोप लगाइनेहरूको विवरण संकलन भइरहेको उनले जानकारी दिए । त्यस्तै कोरोना भाइरस संक्रमण नियन्त्रण कार्यमा खटिएका सफाइकर्मी र सुरक्षाकर्मीलाई पनि खोप दिइनेछ । पहिलो चरणमा खोप लगाएकाहरूले एक महिनापछि दोस्रो डोज लगाइनेछ ।

विराटनगरस्थित क्षेत्रीय स्टोरमा भ्याक्सिन भण्डारण गरिनेछ । त्यहाँ करिब ७० हजार भ्याक्सिन राख्न सक्ने क्षमता छ ।

प्रतिक्रिया

Leave a Reply

Your email address will not be published.

सम्बन्धित खवर