प्रदेश २ ले सुदूरपश्चिमलाई दियो १९६ रनको लक्ष्य

काठमाडौं । हरिकृष्ण शाहको अर्धशतकप्रेरित प्रदेश नम्बर २ ले प्रधानमन्त्री कप राष्ट्रिय पुरुष क्रिकेट प्रतियोगितामा सुदूरपश्चिम प्रदेशलाई १९६ रनको विजय लक्ष्य दिएको छ ।

त्रिवि क्रिकेट मैदानमा सुदूरपश्चिमले टस जितेर फिल्डिङ रोजेपछि क्रिजमा उत्रिएको प्रदेश २ ले ४२ ओभरमा सबै विकेट गुमाएर १९५ रनको योगफल तयार गर्‍यो । प्रदेश २ का लागि हरिकृष्णले ७३ बलमा ९ चौकासहित ६० तथा विवेक यादवले ४१ रनको योगदान गरे ।

मेहबुब आलमले २३ बाहेक अन्य ब्याट्सम्यानले उल्लेख्य प्रदर्शन गर्न सकेनन् । सुदूरपश्चिमका लागि शेर मल्ल र नरेन्द्र साउदले ३÷३ तथा अरुण ऐरीले २ विकेट लिए ।