कर्णालीका १० जिल्लालाई करिब १२ हजार कोभिड-१९ खोप – Nepal Press

कर्णालीका १० जिल्लालाई करिब १२ हजार कोभिड-१९ खोप

कर्णाली । कर्णाली प्रदेशका १० जिल्लाका लागि ११ हजार ७८० डोज कोरोनाविरुद्धको खोप आउने भएको छ । स्वास्थ्य सेवा निर्देशनालय कर्णाली प्रदेशका निर्देशक डा. रविन खड्काका अनुसार ती खोप आइतबारनै (आज) आइपुग्नेछ ।

पहिलो चरणमा कोरोना भाइरस संक्रमण नियन्त्रणमा अग्रपंक्तिमा रहेर काम गर्ने स्वास्थ्यकर्मी र एम्बुलेन्स चालकका लागि खोप लगाइने खड्काले जानकारी दिए ।

स्वास्थ्य मन्त्रालयले कर्णालीमा राष्ट्रिय क्षयरोग केन्द्रका निर्देशक डा. अनुज भट्टचनलाई खोप अभियानको संयोजक तोकेको छ ।

सामाजिक विकास मन्त्रालय स्वास्थ्य सेवा महाशाखा प्रमुख वृषबहादुर शाहीले प्रदेशमा खोप लगाउन खोप केन्द्र, भण्डारणलगायत व्यवस्थापकीय काम गरिसकिएकोले छिट्टै अभियान शुरू गर्ने बताए ।
राससबाट

प्रतिक्रिया

Leave a Reply

Your email address will not be published.