उच्च पहाडी र हिमाली भेगमा हिमपातको सम्भावना – Nepal Press

उच्च पहाडी र हिमाली भेगमा हिमपातको सम्भावना

काठमाडौं । हाल देशका पहाडी भू-भागमा आंशिक बदली रहेको तथा बाँकी ठाउँको मौसम सामान्यतया सफा रहेको जल तथा मौसम विज्ञान विभागले जनाएको छ । विभागका अनुसार पश्‍चिमी वायुको सामान्य प्रभावले केही स्थानको मौसमलाई असर परेको छ ।

मौसम पूर्वानुमान महाशाखाका अनुसार आज दिउँसो र सुदूरपश्‍चिम, गण्डकी र प्रदेश १ को उच्च पहाडी तथा हिमाली भेगका एक/दुई स्थानमा हल्का हिमपातको सम्भावना छ ।

केही पहाडी तथा हिमाली भेगमा हिमपात साथै तराईका केही स्थानमा बिहानीपख हुस्सु/कुहिरोसमेत लाग्ने सम्भावना रहेकोले चिसोबाट बच्न र सतर्क रहन महाशाखाले सर्वसाधारणलाई अनुरोध गरेको छ ।

प्रतिक्रिया

Leave a Reply

Your email address will not be published.