कोरोनाविरुद्धको खोप ढिलोमा माघ १८ देखि लगाइने – Nepal Press

कोरोनाविरुद्धको खोप ढिलोमा माघ १८ देखि लगाइने

काठमाडौं । सरकारले ढिलोमा माघ १८ सम्ममा कोरोनाविरुद्धको खोप लगाउन सुरु गर्ने भएको छ ।

भारतले अनुदानमा दिएको १० लाख डोज कोभिशिल्ड बिहीबार नै काठमाडौं आइपुगिसकेको छ । माघ १४ देखि १८ गतेभित्र खोप सातै प्रदेशका फ्रन्टलाइनर, जेष्ठ नागरिक र दीर्घरोगीलाई समानुपातिक ढङ्गले लगाउन सुरु गरिने स्वास्थ्य तथा जनसंख्या मन्त्री हृदयेश त्रिपाठीले बताएका छन् ।

शुक्रबार साँझ प्रधानमन्त्री केपी शर्मा ओलीले पनि माघ १४ गतेदेखि खोप लगाउन सुरु गरिने बताएका थिए ।

“पहिलो दिन सबै प्रदेशका फ्रन्टलाइनरलाई एकैसाथ खोप दिएर खोप अभियान सुरु गरिनेछ,” मन्त्री त्रिपाठीले नेपाल प्रेससँग भने । भारतले नेपाललाई दिएको खोपको गुणस्तरमाथि प्रश्न उठिरहेका छन् ।

सो विषयमा भारत सरकारले आफ्नो जनतालाई लगाइरहेको खोप नै नेपाललाई उपलब्ध गरएकोले  खोप सुरक्षित भएको मन्त्री त्रिपाठीले बताए ।

“भारत सरकारले जुन खोप आफ्ना जनतालाई लगाइरहेको छ, त्यही गुणस्तरको खोप नेपाललाई पनि दिएको हो,” उनले भने, “त्यसैले ढुक्क भएर खोप लगाउनु हुन म आग्रह गर्छु ।”

प्रतिक्रिया

Leave a Reply

Your email address will not be published.