जलवायु परिवर्तनको मुद्दामा अमेरिकाले गर्‍यो नेपाललाई ‘सगरमाथा संवाद’को प्रस्ताव – Nepal Press

जलवायु परिवर्तनको मुद्दामा अमेरिकाले गर्‍यो नेपाललाई ‘सगरमाथा संवाद’को प्रस्ताव

काठमाडौं । जलवायु परिवर्तनको चुनौतिसँग जुध्न अमेरिकाले नेपालसँग मिलेर सगरमाथा संवाद गर्ने प्रस्ताव गरेको छ । राजदूत र्‍यान्डी बेरीले प्रधानमन्त्री केपी शर्मा ओलीसँग भेट गर्दै जलवायु परिवर्तनको मुद्दामा सगरमाथा संवाद जरुरी रहेको बताएका छन् ।

अमेरिकी दुतावासले विज्ञप्ती जारी गर्दै राजदूत बेरीले राष्ट्रपति जो बाइडेनको नीति प्राथमिकता र सन्देश लिएर प्रधानमन्त्री ओलीलाई भेटेको जनाएको छ ।

‘जलवायु परिवर्तनको मुद्दामा नेपाल फ्रन्टलाइनमा छ’ विज्ञप्तीमा उल्लेख छ, ‘कार्यकालको पहिलो निर्णय अनुरुप राष्ट्रपति बाइडेनले पेरिस जलवायु सम्झौतामा पुनः अमेरिकी संलग्नता हुने हुने निधो गर्नुभएको छ । नेपाल पनि प्रभावित मुलुकमध्ये हो । दुतावास नेपालसँग मिलेर सगरमाथा संवाद डायलग संचालन गर्न इच्छुक छ ।’

राष्ट्रपति बाइडेनको नयाँ विश्व नीतिको एक हिस्साअन्तर्गत राजदूत बेरीले प्रधानमन्त्री ओलीलाई भेटेको पनि उल्लेख छ । भेटमा राजदूतले महिला, बालबालिका लगायतको मानवअधिकारका मुद्दामा पनि नेपालसँग मिलेर काम गर्न अमेरिका तयार रहेको बताएका थिए ।

अमेरिकाले नेपाललगायत लोकतान्त्रिक मुलुकसँग पुनः हार्दिक सम्बन्ध स्थापना गर्न चाहेको कुरा पनि राजदूत बेरीले सुनाएका थिए ।

प्रतिक्रिया

Leave a Reply

Your email address will not be published.