जेम्स बन्ड फिल्म ‘नो टाइम टु डाइ’ रिलिज डेट घोषणा, गडजिला सिक्वेलको पोस्टर लन्च – Nepal Press

जेम्स बन्ड फिल्म ‘नो टाइम टु डाइ’ रिलिज डेट घोषणा, गडजिला सिक्वेलको पोस्टर लन्च

काठमाडौं । जेम्स बन्ड सिरिजको प्रतीक्षित फिल्म ‘नो टाइम टु डाइ’को रिलिज मिति पुनः पोस्टपोन्ड भएको छ । डेनियल क्रेग स्टारर यो एक्सन–स्पाइ–थ्रिलर फिल्म अब अक्टोबर ८ मा रिलिज हुनेछ ।

यसअघि २ अप्रिलको रिलिज मिति पूर्वनिर्धारित थियो । कोरोनाभाइरस महामारीको कारण फिल्मको रिलिज मितिलाई पुनः धकेल्नुपरेको जानकारी जेम्स बन्ड निर्माताले दिएका छन् ।

जेम्स बन्ड श्रृंखलाको २५ औं फिल्म भाइरसले प्रभावित हुने ठूलोमध्येको एक हलिउड फिल्म हो । हलिउडका अन्य ब्लकबस्टरमा मार्भलको ब्ल्याक विडो, युनिभर्सलको फास्ट एन्ड फ्युरियस ९ र प्यारामाउन्टको ‘टम गन म्याभेरिक’ लगायत छन् ।

वार्नर ब्रोजको वन्डर वुमन १९८४ ले भने हल र ओटीटी प्लेटफर्ममा हाइव्रिड रिलिज गरेको छ । वार्नर ब्रोजले आफ्नो नयाँ फिल्म ‘गडजिला भर्सेस कङ’को अफिसियल पोस्टर लन्च गरेको छ । आउने आइतबार फिल्मको ट्रेलर समेत लन्च हुँदैछ । सन् २०२१ भित्रै फिल्म रिलिज हुने जनाइएको छ ।


प्रतिक्रिया

Leave a Reply

Your email address will not be published. Required fields are marked *