ओली-प्रचण्ड दोहोरी ब्याटल अब क्यारिकेचरतिर (भिडियोमा हेर्नुहोस्) – Nepal Press

ओली-प्रचण्ड दोहोरी ब्याटल अब क्यारिकेचरतिर (भिडियोमा हेर्नुहोस्)

काठमाडौं । पार्टी विभाजनपछि नेकपाका दुई अध्यक्ष केपी शर्मा ओली र पुष्पकमल दाहाल प्रचण्डबीच आ-आफ्ना मञ्चबाट दोहोरी ब्याटल त चलिरहेकै छ । दुई नेताको दोहोरी अब विस्तारै क्यारिकेचरमा पनि फेरिन थालेको छ ।

केही दिनअघि प्रज्ञा भवनको कार्यक्रममा प्रचण्डले ओलीको क्यारिकेचर गर्ने क्रममा ‘कमरेड, तपाईंनै हो भनेर मलाई फकाए’ भन्दै जी न्यूजलाई ओलीले दिएको अन्तर्वार्तालाई नाटक भनेका थिए ।

पुस १४ गते विद्यार्थी भेलामा प्रचण्डले भनेका थिए, ‘विदेशी शक्ति केन्द्र आएर उहाँलाइ के-के मन्त्र सुनाए । उहाँले त्यो मन्त्र सुन्नु भयो । अस्ति भर्खरै हेर्नुभयो नि ‘जी न्यूज’ लाई बोलाएर दिएको अन्तर्वार्ता । त्यो पनि नाटकै हो । … नाटकै हो, नाटकै हो भन्ने कुराको पटाक्षप आज भैसक्यो । अब एभरेष्टको नाम फेर्ने रे त्यो पनि ‘जी न्यूज’ ले ।’

प्रधानमन्त्री केपी ओलीले विहीवार काठमाडौंमा प्रेस संगठन नेपालले आयोजना गरेको दोस्रो राष्ट्रिय भेलालाई सम्बोधन गर्ने क्रममा प्रचण्डको क्यारिकेचर गर्दै उनलाई जवाफ फर्काए ।

प्रचण्डको क्यारिकेचर गर्दै ओलीले भने, ‘मैले एउटा विदेशी च्यानललाई अन्तर्वार्ता दिएँ । आलोचना गर्ने ठाउँ कहीँ नभेटिएपछि त्यो पत्रकारले भारतमा गएर सगरमाथाको बारेमा के बोलेछ त्यसपछि यहाँ राष्ट्रवादको नाममा बबन्डर मच्चियो । उसले सगरमाथा खान्छु भनेको छ र ?’

‘खोट लाउने केही नभेटिएपछि एउटा नेता (प्रचण्ड) ले भनेछन्- यो अन्तर्वार्ता भनेको नौटंकी हो । … नौटंकी नै हो, नौटंकी नै हो । कसरी नौटंकी हो बताइदिनुहोस् । उहाँहरुले पनि कहिले-कहिले विदेशीलाई अन्तर्वार्ता दिनुभएको छ । देशको इज्जत राख्ने केही बोल्नु भएको छ ? नक्कली गर्नु देशभक्ति होइन’, ओलीले भने ।

ओली र प्रचण्डको यो दोहोरी ब्याटल भिडियोमा हेर्नुहोस्

यो पनि पढ्नुहोस्

ओली भर्सेस प्रचण्ड-माधवको दोहोरी ब्याटल, दर्शक दीर्घामा देउवा-पौडेल जुहारी (भिडियो रिपोर्ट)

‘ब्याटल ग्राउण्ड’मा प्रचण्ड–म युद्ध लडेको कमाण्डर हुँ, अब केपी सिद्धिए (भिडियो रिपोर्ट)

प्रतिक्रिया

Leave a Reply

Your email address will not be published.

सम्बन्धित खवर