खोप उपलब्ध गराएकोमा प्रधानमन्त्री ओलीले दिए मोदीलाई धन्यवाद – Nepal Press

खोप उपलब्ध गराएकोमा प्रधानमन्त्री ओलीले दिए मोदीलाई धन्यवाद

काठमाडौं । कोभिड–१९ खोप उपलब्ध गराएकोमा नेपालले भारतलाई धन्यवाद व्यक्त गरेको छ । प्रधानमन्त्री केपी शर्मा ओलीले ट्वीटमार्फत भारतीय समकक्षी नरेन्द्र मोदीलाई धन्यवाद दिएका हुन् ।

ओली लेख्छन्– आफ्नै नागरिकलाई भ्याक्सिन लगाउन सुरु गरेको भारतले यस्तो संकटपूर्ण घडीमा नेपाललाई गरेको सहयोगप्रति हामी धन्यवाद दिन चाहन्छौं । छिमेकी मित्र हुनुको दायित्व गरेकोमा पनि ओलीले मोदीको प्रशंसा गरेका छन् ।

भारतले १० लाख डोज कोभिडविरुद्धको खोप नेपाललाई अनुदान स्वरुप उपलब्ध गराएको छ । काठमाडौंस्थित भारतीय राजदूत विनयमोहन क्वात्राले प्रधानमन्त्रीलाई ओलीलाई भेटेर औपचारिकरुपमा हस्तान्तरण गरे । उक्त अवसरमा स्वास्थ्य मन्त्री हृदयेश त्रिपाठी पनि सहभागि थिए ।

 


प्रतिक्रिया

Leave a Reply

Your email address will not be published. Required fields are marked *

सम्बन्धित खवर