प्रचण्ड-माधव पक्षको शक्ति प्रदर्शनको तयारी पूरा – Nepal Press

प्रचण्ड-माधव पक्षको शक्ति प्रदर्शनको तयारी पूरा

काठमाडौं । विभाजित नेकपाको प्रचण्ड-माधव पक्षले शुक्रवार सरकारविरुद्ध काठमाडौंमा हुने वृहत शक्ति प्रदर्शनको तयारी पूरा भएको जनाएको छ ।

नारायणकाजी श्रेष्ठ नेतृत्वको केन्द्रीय संघर्ष समितिले पत्रकार सम्मेलन गरेर प्रदर्शनको तयारीबारे जानकारी दिएको छ । समितिले प्रत्येक प्रदेश, जिल्ला र जनवर्गीय संगठनलाई संख्या तोकेरै सहभागी जुटाउन निर्देशन दिएको छ ।

शनिबार बसेको केन्द्रीय संघर्ष समितिको बैठकले प्रतिनिधिसभा विघटनविरुद्ध उपत्यकाको विभिन्‍न स्थानमा जुलुशसहित दिउँसो १२ बजे रत्‍नपार्कमा प्रदर्शन गर्ने निर्णय गरेको थियो ।

काठमाडौंमा विभिन्न ९ ठाउँबाट जुलुस निस्कने र प्रत्येक जुलुसको नेतृत्व स्थायी कमिटीका नेताले गर्ने भएका छन् ।

 


प्रतिक्रिया

Leave a Reply

Your email address will not be published. Required fields are marked *

सम्बन्धित खवर