भारतले नेपाललाई पठायो कोभिड-१९ विरुद्धको खोप

काठमाडौं । भारतले नेपाललाई अनुदानमा उपलब्ध गराएको कोभिड-१९ विरुद्धको खोप सामग्री आज बिहान दिल्लीबाट काठमाडौंतर्फ पठाइएको छ ।

भारतीय विदेश मन्त्रालयका प्रवक्ता अनुराग श्रीवास्तवले ‘भ्याक्सिन मैत्री’ नेपालका लागि प्रस्थान गरेको बताएका छन् । एयर इण्डियाबाट आउन लागेका खोप सामाग्री त्रिभुवन विमानस्थलमै भारतीय राजदूत विनयमोहन क्वात्राले नेपाललाई हस्तान्तरण गर्दैछन् ।

भारतले १० लाख डोज खोप अनुदानमा उपलब्ध गराएको छ । भारतबाट आउने खोप सामाग्री कसरी वितरण गर्ने भन्ने बारे स्वास्थ्य मन्त्रालयले मापदण्ड तय गरेको छ ।