म्यानचेस्टर युनाइटेड प्रिमियर लिगको शीर्ष स्थानमा फर्कियो – Nepal Press

म्यानचेस्टर युनाइटेड प्रिमियर लिगको शीर्ष स्थानमा फर्कियो

एजेन्सी । फुलह्याममाथि २–१ गोलको पुनरागमन जितका लागि म्यानचेस्टर युनाइटेड इंग्लिस प्रिमियर लिगको शीर्ष स्थानमा फर्किएको छ ।

फुलह्यामले घरेलु मैदानमा सुरुमै अग्रता बनाएको थियो । फुलह्यामका लागि खेलको पाँचौं मिनेटमा नै अडेमोला लुकम्यानले गोल गरेका थिए ।
२१ औं मिनेटमा इडिन्सन काभानीले गोल गरी पहिलो हाफमा खेल बराबरीमा ल्याए ।

दोस्रो हाफमा युनाइटेडले गोल थप्यो । युनाइटेडसँग लामो समयदेखि असन्तुष्ट देखिएका फ्रान्सेली मिडफिल्डरको शानदार गोलमा युनाइटेडले महत्वपूर्ण ३ अंक जोडेको हो ।

खेलपछि प्रशिक्षक ओले गनर सोल्सायरले पोग्वको प्रशंशा गरे । उनले भने, ‘म धेरै नै खुसी छु । मलाई थाहा थियो कि उनी यस्तो खेल्न सक्छन् । र अहिले उनले सबै तत्वहरु लगाएर समग्र प्रदर्शन देखाए ।’

१९ खेलबाट ४० अंकसहित युनाइटेड शीर्ष स्थानमा पुगेको हो ।

गएराति नै भएको खेलमा एस्टोन भिल्लालाई २–० ले हराएर म्यानचेस्टर सिटी दोस्रो स्थानमा पुगेको छ ।

घरेलु मैदान इथिहाड रंगशालामा सिटीले अग्रता बनाउन दोस्रो हाफ कुर्नुपरेको थियो । दोस्रो हाफको पनि अन्त्यतिर अर्थात् ७९ मिनेटमा बर्नान्डो शिल्भाले सिटीका लागि सुरुआती गोल गरेका थिए । नियमित समयको अन्तिम मिनेटमा गुण्डोगानले गोल गरेपछि सिटीले खेलको सहज अन्त्य ग¥यो ।

सिटीले लिगमा १८ खेल खेलेको छ र ३८ अंकसहित दोस्रो स्थानमा छ । एक खेल बढी खेलेको लिसेस्टर सिटीको समान अंक भए पनि गोलअन्तरमा पछि परेको हो ।


प्रतिक्रिया

Leave a Reply

Your email address will not be published. Required fields are marked *