मतदाता नामावली संकलनको समन्वयका लागि प्रदेश र स्थानीय तहमा सम्पर्क व्यक्ति तोकिए – Nepal Press

मतदाता नामावली संकलनको समन्वयका लागि प्रदेश र स्थानीय तहमा सम्पर्क व्यक्ति तोकिए

काठमाडौं । निर्वाचन आयोगले आयोगबाट तोकिएका काममा आवश्यक सहयोग र समन्वय गर्नका लागि सबै प्रदेश र स्थानीय तहमा एक/एक जना सम्पर्क व्यक्ति तोकेको छ ।

आयोगले स्थानीय स्तरमा मतदाता नामावली संकलन तथा अद्यावधिक गर्ने, निर्वाचन तथा मतदाता शिक्षा कार्यक्रम सञ्चालन गर्ने र निर्वाचनसँग सम्बन्धित विभिन्न सूचना तथा सन्देशको सम्प्रेषण गर्ने लगायतका कार्य सञ्चालन गर्न सात वटै प्रदेश र सात सय ५३ वटै स्थानीय तहमा सम्पर्क व्यक्ति तोकिएको आयोगले एक विज्ञप्ती जारी गर्दै जानकारी गराएको हो ।

सबै प्रदेशमा निर्वाचन सम्बन्धी बिषयमा आवश्यक समन्व्य गर्न सम्बन्धित मुख्यमन्त्री तथा मन्त्रिपरिषद् कार्यालयका सह–सचिव वा सो सरहका एक जना कर्मचारीलाई निर्वाचन सम्पर्क व्यक्ति तोकेर आयोगमा जानकारी गराउनका लागि प्रधानमन्त्री तथा मन्त्रिपरिषद्को कार्यालयमा आग्रह गरेको आयोगका प्रवक्ता समेत रहेको सह–सचिव राजकुमार श्रेष्ठले विज्ञप्तीमार्फत जानकारी गराएका हुन् ।

आयोगका अनुसार स्थानीय तहमा शिक्षा वा सामाजिक बिषयसँग सम्बन्धित शाखाको प्रमुखलाई निर्वाचन सम्पर्क व्यक्ति तोकेर आयोगमा जानकारी गराउनका लागि संघीय मामिला तथा सामान्य प्रशासनज मन्त्रालयलाई आग्रह गरेको छ । आयोगले प्रदेश र स्थानीय तहमा रहने सम्पर्क व्यक्तिको कार्यविवरण समेत स्विकृत गरेको प्रवक्ता श्रेष्ठले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर