चारवर्षपछि फिल्ममा फर्किए हमाल, ‘सत्यम’ फिल्ममा अनुबन्धित – Nepal Press

चारवर्षपछि फिल्ममा फर्किए हमाल, ‘सत्यम’ फिल्ममा अनुबन्धित

काठमाडौं । अभिनेता राजेश हमालका फ्यानलाई खुशिको खबर छ । घरेलु फिल्मका लिजेन्ड चारवर्षपछि ठूलो पर्दामा कमब्याक गर्दैछन् । २०१६ मा रिलिज भएका दुई फिल्म ‘बागमती’ र ‘शकुन्तला’ फ्लप भएपछि उनी फिल्मबाट टाढिएका थिए ।

लकडाउनपछि म्युजिक भिडियो र टेलिभिजन कार्यक्रममा व्यस्त हमाल अब भने ठूलो पर्दामा फर्कने तयारीमा छन् । शंकर कार्कीले निर्देशन गर्न लागेको नयाँ फिल्म ‘सत्यम’मा हमाल अनुबन्धित भएका छन् । कार्कीले यसअघि ‘रोमियो’ निर्देशन गरेका थिए ।

निर्देशक कार्कीका अनुसार हमाल लिखितरुपमै फिल्ममा अनुबन्धित भएका छन् । फिल्ममा अनुपविक्रम शाही खलपात्रको रुपमा खेल्ने पक्का भएका छन् । यसअघि मिलन चाम्सको ‘हँसिया’मा हमाल र अनुप अपोजिटमा खेलेका थिए ।

उपासनासिंह ठकुरी हमालकी लभलेडीको रुपमा फिल्ममा देखिने सम्भावना छ । अहिले पोखरामा ‘डिसेम्बर फल्स’ गरिरहेकी अभिनेत्रीलाई लिने अन्तिम तयारी भएको निर्देशक कार्कीले बताए । कथा चित्त बुझेपछि हमालले फिल्म साइन्ड गरेको बुझिएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर