सुदूरपश्चिम प्रदेश १११ रनमा अलआउट – Nepal Press

सुदूरपश्चिम प्रदेश १११ रनमा अलआउट

काठमाडौं । सागर ढकाल र दिपेन्द्रसिंह ऐरीको विकेट प्रेरित नेपाल पुलिस क्लबले प्रधानमन्त्री कप राष्ट्रिय पुरुष क्रिकेट प्रतियोगितामा बुधबार ११० बनाएको सुदूरपश्चिम प्रदेशलाई ३३.१ ओभरमा अल आउट गरेको छ ।

त्रिवि क्रिकेट मैदानमा पुलिसले टस जितेर फिल्डिङ रोजेको साविक विजेता पुलिसले जितका लागि १११ रनको लक्ष्य पाएको हो । पुलिसका लागि कसिलो बलिङ गरेका सागरले १० ओभरमा १८ रन खर्चेर ३ मेडनसहित चार विकेट लिए ।

किफायती बलिङ गरेका पुलिसका दिपेन्द्रसिंह ऐरीले ६.१ ओभरमा १० रन खर्चेर २ मेडनसहित ४ विकेट लिए । पुलिसको आक्रमक बलिङसामु संघर्षरत सुदूरपश्चिमका लागि ओपनर खडक बोहराले ५३ बलमा ८ चौकासहित ४० रन जोडेका थिए । कप्तान सन्तोष भट्ट शून्यमा रन आउट हुँदा दुर्भाग्यशाली सावित भए ।

विकेटकिपर ब्याट्सम्यान सन्जु दमाईले ३५, अरुण ऐरीले १३ र अर्जुन साउदले १० रन बाहेक अन्य ब्याट्सम्यानले दोहोरो अंकमा रन बनाउन नसक्दा सुदूरपश्चिमका ६ ब्याट्सम्यान शून्यमा सीमित रहे ।

पहिलो खेलमा बाग्मतीसँग लज्जास्पद पराजय बेहोरेको साविक विजेता नेपाल पुलिस क्लब आजको खेल जित्दै लयमा फर्किन चाहन्छ । त्यस्तै, बाग्मतीसँगै पराजित भएको सुदूरपश्चिम पनि लयमा फर्किन चाहन्छ । तर, कम योगफलमा सीमित भएको सुदूरपश्चिमलाई ११० रनको योगफल जोगाउन कठिन देखिन्छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर