राष्ट्रिय महिला लिग फुटबल आजदेखि, उद्घाटन खेलमा आर्मी र पुलिस भिड्दै – Nepal Press

राष्ट्रिय महिला लिग फुटबल आजदेखि, उद्घाटन खेलमा आर्मी र पुलिस भिड्दै

काठमाडौं । अखिल नेपाल फुटबल संघ (एन्फा)को आयोजनामा हुने राष्ट्रिय महिला लिग आजदेखि सुरु हुँदैछ । दशरथ रंगशालामा उद्घाटन खेल र बाँकी खेलहरू एन्फा कम्प्लेक्स सातदोबाटोमा हुने प्रतियोगितामा तीन विभागीयसहित सात टिमको सहभागिता रहनेछ ।

माघ २१ गतेसम्म चल्ने प्रतियोगिताको पहिलो खेलमा आज दिउँसो २ बजे त्रिभुवन आर्मी क्लब र नेपाल पुलिस क्लबबीच प्रतिस्पर्धा हुने एन्फाले जानकारी दिएको छ ।

गत वर्ष नै धरानमा हुने तय भएको यो लिग कोरोना भाइरसको महामारीका कारण हुन सकेको थिएन । चौदण्डिगढी नगरपालिका, त्रिभुवन आर्मी क्लब, सशस्त्र प्रहरी बलको एपिएफ क्लब, विराटनगर महानगरपालिका, वालिङ नगरपालिका, चन्द्रपुर नगरपालिका र नेपाल पुलिस क्लबले प्रतिस्पर्धा गर्ने यो लिगको विजेताले १५ लाख रूपैयाँ प्राप्त गर्नेछ ।

त्यस्तै, दोस्रो र तेस्रो र चौथो हुने टोलीले क्रमशः ८ लाख, ५ लाख र ३ लाख रूपैयाँ प्राप्त गर्नेछन् । लिगकी सर्वोत्कृष्ट घोषित हुने खेलाडीले स्कुटर तथा उत्कृष्ट स्ट्राइकर, मिडफिल्डर, डिफेन्डर र प्रशिक्षकले ५० हजार रूपैयाँ प्राप्त गर्नेछन् ।

त्यस्तै, फेयर प्ले टीमले थप १ लाख ५० हजार प्राप्त गर्ने आयोजकले बताएको छ । लिगमा सहभागी हुने सबै टोलीले १ लाख रूपैयाँ तयारी खर्च र ५० हजार रूपैयाँ कोरोना राहत प्राप्त गर्नेछन् ।

लिगमा सहभागी हुने टोलीका सम्पूर्ण खेलाडी तथा अफिसियल्सको खाने बस्ने तथा कसैलाई कोरोना भाइरसको शंका लाग्यो भने त्यसको व्यवस्था एन्फाले गर्नेछ ।


प्रतिक्रिया

Leave a Reply

Your email address will not be published. Required fields are marked *