खेल पत्रकारमाथि भएको अभद्र व्यवहारको मञ्चद्वारा भर्त्सना – Nepal Press

खेल पत्रकारमाथि भएको अभद्र व्यवहारको मञ्चद्वारा भर्त्सना

 

काठमाडौं । नेपाल क्रिकेट संघको आयोजनामा सञ्चालन भइरहेको प्रधानमन्त्री कप राष्ट्रिय पुरुष क्रिकेट प्रतियोगिताको समाचार संकलनका क्रममा आयोजक टोलीका एक जिम्मेवार सदस्यबाट समाचार संकलन गर्न पुगेका खेलकुद पत्रकारमाथि अभद्र व्यवहार भएकोमा नेपाल खेलकुद पत्रकार मञ्चले गम्भीर ध्यानाकर्षण भएको बताएको छ ।

प्रतियोगिता अन्तर्गत मंगलबार मूलपानी क्रिकेट मैदानमा कर्णाली र गण्डकी प्रदेश विचको खेल सम्पन्न भए पश्चात नियमित पोष्ट म्याच प्रेस कन्फ्रेन्स भएको थियो । जसमा खेल पत्रकारले कर्णालीका प्रशिक्षकसंग अन्तर्वार्ता लिइरहेका बेला बाग्मति प्रदेश क्रिकेट संघका सदस्य अजय बीर पाण्डेले ‘कति चाहिने नचाहिने प्रश्न गरिरहेको रुु भन्दै आक्रामक रूपमा प्रस्तुत भएर पत्रकार सम्मेलनमा हस्तक्षेप गरेका थिए ।’ मिडिया जोनु मा अन्तर्वार्ता चलिरहेको बेला उनले गरेको सो अभद्र व्यवहारको खेलपत्रकारहरूले विरोध गरेका थिए । तर, पाण्डे त्यतिमा रोकिएनन् ।

पत्रकार सम्मेलन अवरुद्ध भएपछि त्यहाँबाट हिँडेका पत्रकारहरुलाई उनले फेरी अभद्र व्यवहार गरेका थिए । पत्रकारहरुले प्रतिकार गर्न खोज्दा धम्कीको भाषा प्रयोग गरेका थिए । खेलकुद पत्रकार मञ्चले पाण्डेले गरेको सो कार्यको घोर भत्सर्ना गर्दै प्रेस विज्ञप्ति जारी गरेको छ ।

‘उनीमाथि कडा भन्दा कडा कारवाहीको माग गर्दछ,’ विज्ञप्तिमा भनिएको छ, ‘पाण्डे पीएम कपको एन्टी करप्सन युनिट (एसीयु) कमिटीका सदस्य पनि हुन्। यस सन्दर्भमा नेपाल क्रिकेट संघका अध्यक्ष चतुरबहादुर चन्द र सचिव अशोकनाथ प्याकुर्यालसँग छलफल हुँदा उनीहरुले पाण्डेको हरकतबारे ध्यानाकर्षण भएको जनाएका छन् र छानविन गरी दोषी भेटिए कारवाही गर्ने वचनवद्धता प्रकट गरेका छन् ।

मञ्चले दोषी माथि कारवाही गरी खेल पत्रकारहरूलाई सुरक्षित रूपमा सूचना संकलन गर्ने वातावरण बनाउन क्यानसँग माग गरेको छ ।


प्रतिक्रिया

Leave a Reply

Your email address will not be published. Required fields are marked *