प्रदेशसभा बैठकमा रोक्न खोजिए दुर्भाग्य हुने प्रचण्ड-माधव पक्षको चेतावनी – Nepal Press

प्रदेशसभा बैठकमा रोक्न खोजिए दुर्भाग्य हुने प्रचण्ड-माधव पक्षको चेतावनी

काठमाडौं । प्रदेश १ को प्रचण्ड-माधव नेपाल पक्षधर संसदीय दलले मुख्यमन्त्री शेरधन राईले आफूहरुमाथि गरेको कारवाही अवैधानिक भएको र प्रदेशसभा बैठकमा प्रवेशबाट रोक्न खोजिए दुर्भाग्य हुने चेतावनी दिएको छ ।

विराटनगरमा जारी बैठककै बीचमा पत्रकारसँग कुरा गर्दै प्रदेशसभा सदस्य तथा नेकपा नेता राजेन्द्रकुमार राईले बलजफ्ती गर्न खोजिए सभामुखले मर्यादापालक लगाएर रोक्ने वा संसद बैठक स्थगित गर्नुपर्ने बताए ।

राईले भने, ‘हामीहरु एकले अर्कोलाई गरेको कारबाही सभामुखले मान्नुभएको छैन । बैठक चलाउने उहाँको दायित्व हो । हामीलाई निलम्बन गरेर बैठकमा प्रवेश गर्न नदिनेसम्मको कुरा आएको छ । यस्तो भयो भने दुर्भाग्य हुन्छ ।’

दलका नेता मुख्यमन्त्री राईले भीम आचार्य, राजेन्द्र राई, इन्द्र आङ्वोसहित १६जना सांसदलाई निलम्बन गरेको सूचना प्रदेशसभा सचिवालयमा दिएका छन् । विधान अनुसार निलम्बित सांसदलाई ३ महिनासम्म बैठकमा सहभागी हुनबाट रोकिने दाबी राई पक्षको छ ।

नेकपाका ६७ सांसदमध्ये आचार्य पक्षको बैठकमा आज ३३ जना सहभागी भएका छन् । प्रदेशसभाको बैठक भोलिबाट बस्दैछ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर