नाटककार बालकृष्ण समको घर पुननिर्माण थालियो – Nepal Press

नाटककार बालकृष्ण समको घर पुननिर्माण थालियो

काठमाडौं । राजधानीको ज्ञानेश्वरस्थित नाटककार बालकृष्ण समको जन्मघरलाई पुननिर्माण थालिएको छ । मल्लकालिन शैलीको दरबारजस्तो देखिने यो घरलाई गायक लोचन रिजालको पहलमा पुननिर्माण सुरु गरिएको हो ।

विक्रम संवत १९५९ सालख माघ २४ गते सम यही घरमा जन्मिएका थिए । ज्ञानेश्वरको यो घरमै समले बाल्यकाल समेत बिताए । काठमाडौं विश्वविद्यालयका संगीत विभाग प्रमुख डा. लोचन रिजाल घरको जिर्णोदारमा खटेका छन् ।

समकी भान्जी त्रिपुरा सुन्दरीले उक्त घरलाई पुननिर्माण गरेर संग्रहालय र बौद्धिक थलो बनाउनुपर्ने प्रस्ताव गरेपछि विश्वविद्यालयले अग्रसरता लिएको हो । रिजालका अनुसार समले प्रयोग गरेका केही सामाग्री फेला पारिएको र तिनलाई संग्राहलयमा सुरक्षित राखिने जनाएको छ ।

पुननिर्माणबारे रिजाल भन्छन् –कला, साहित्य, गीत, संगीत, नाटक, संस्कृति, सम्पदालाई एक पुस्ताबाट अर्कोमा हस्तान्तरण गर्ने उद्देश्यले घरको पुननिर्माण थालेका हौं ।’

चार तले घर पुननिर्माण गर्न केयुले एक करोड बजेट विनियोजन गरेको छ । पहिलो चरणमा साढे चार करोड र दोस्रो चरणमा ५ करोड खर्च हुने केयुको भनाई छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर