कोरोनाबाट विश्वभर २० लाखको मृत्यु, संक्रमितको संख्या ९ करोड नाघ्यो – Nepal Press

कोरोनाबाट विश्वभर २० लाखको मृत्यु, संक्रमितको संख्या ९ करोड नाघ्यो

काठमाडौं । कोरोनाभाइरसको संक्रमण झनै फैलँदो छ । जोन हप्कीन्स विश्वविद्यालयका अनुसार विश्वभर भाइरसबाट मृत्यु हुनेको संख्या शुक्रबार रातीसम्म २० लाख नाघेको छ । ९ करोडभन्दा बढीलाई संक्रमण पुष्टि भएको जनाएको छ । भाइरसको संक्रमण विस्तार १९० देशमा भएको जनाइएको छ ।

अमेरिकामा मात्र ३ लाख ८७ हजारले ज्यान गुमाएका छन् । ब्राजिलमा २ लाख ७ हजार, भारतमा १ लाख ५१ हजारले ज्यान गुमाएका छन् । त्यसपछि प्रभावित मुलुकमा मेक्सिको, बेलायत र इटाली छन् । तथ्यांकअनुसार भाइरसबाट नेपालमा मृत्यु हुनेको संख्या १९४८ छ र मृत्युदर ६.९ प्रतिशत रहेको छ । २ लाख ६६ हजार ८१६ जना भाइरसबाट संक्रमित भएका छन् ।

नयाँ कोरोनाभाइरस आफ्नो मुलुकमा देखिन थालेपछि बेलायतले सबै मुलुकसँगको हवाइ तथा यातायात सम्पर्क विच्छेद गरेको छ । प्रधानमन्त्री बोरिस जोन्सनले गएरातिबाट लागु हुने गरि बेलायतमा हुने सम्पर्कमा रोक लगाएका हुन् । ब्राजिलमा देखिएको नयाँ प्रकारको कोरोना प्रजाति बेलायतमा भेटिएको जनाइएको छ । बेलायत यतिबेला कडा लकडाउनमा छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर