नेपाललाई हिन्दू राष्ट्र बनाउन भारतमा बन्यो जनरल बक्सीको ‘कोर टीम’

काठमाडौं । नेपालमा हिन्दू राज्य पुनस्र्थापनाको गर्ने भन्दै भारतीय सेनाका अवकासप्राप्त मेजर जनरल जीडी बक्सीको नेतृत्वमा हिन्दू चेतना कोर टीम गठन भएको छ । भारत र नेपालको सम्बन्धलाई बिगार्न नेपाली प्रधानमन्त्री केपी शर्मा ओली जिम्मेवार भएको भन्दै बक्सीले ओलीलाई गत जुन महिनामा ‘चोर’को संज्ञा दिएका थिए ।

This isthe Hindu Chetna core team- our task will be narrrative building . This year we focus on Netajis 125th anniversary and Militarising the Indic ethic to save this civilisation from External and internal threats. we will also Support Hindu Rashtra in Nepal pic.twitter.com/D3K9iuhptK

— Maj Gen (Dr)GD Bakshi SM,VSM(retd) (@GeneralBakshi) January 13, 2021

विहिबार एक ट्वीट गर्दै बक्सीले नेपालमा हिन्दु राज्य स्थापना गर्न र नेता सुवासचन्द्र बोसको १२५ औं स्मृति दिवस मनाउन उक्त टीमको गठन भएको जनाएका छन् । उनी लेख्छन् –‘हाम्रो टीमको मुख्य उद्देश्य भनेको लक्ष्य प्राप्तीका लागि आवाज मुखरित गर्नु हो । आन्तरिक र बाह्य सुरक्षा चुनौतिलाई रोक्न भारतको प्रभाव भएका ठाउँमा सैन्यशक्ति मजबुत मनाउनु र नेता बोसको वार्षिकी मनाउनु उद्देश्य रहेको छ ।’

‘हिन्दु राष्ट्र नेपाललाई समर्थन गर्नुपनि हाम्रो उद्देश्य हो’ उनी लेख्छन्, ‘हिन्दु चेतनालाई मुखरित गर्नु पनि रहेको छ ।’ जनरल बक्सी हिन्दुत्वलाई समर्थन गर्ने कट्टर भारतीय पूर्व सैनिक अधिकृत हुन् । उनले पटक–पटक नेपाललाई हिन्दु राज्यको पुनस्र्थापना गर्नुपर्ने अभिव्यक्ति दिइरहेका छन् ।