माधव नेपाललाई अध्यक्षको मान्यता दिन निर्वाचन आयोगलाई प्रचण्ड–नेपालको पत्र – Nepal Press

माधव नेपाललाई अध्यक्षको मान्यता दिन निर्वाचन आयोगलाई प्रचण्ड–नेपालको पत्र

काठमाडौं । विभाजित नेकपाको प्रचण्ड–माधव नेपाल पक्षले निर्वाचन आयोगलाई जवाफ पठाउँदै केपी ओली नेतृत्वको कमिटीले गरेका सबै निर्णय अवैध रहेको दावी गरेको छ । सो समूहले केपी ओलीलाई पार्टीको बहुमतले अध्यक्षबाट निश्कासन गरिसकेकाले माधव नेपाललाई अध्यक्ष स्वीकार गरि आयोगको अभिलेखमा राख्न माग गरेको छ ।

आयोगले दिएको समयसिमाभित्र बुधवार बुझाइएको पत्रमा भनिएको छ–तत्कालिन अध्यक्ष केपी शर्मा ओलीले यस पार्टीको विधान उल्लंघन गरेको कसुरमा निजलाई अनुशासनको कारवाही गर्ने सर्बोच्च अंग केन्द्रीय कमिटीको निर्णय बमोजिम पदाधिकाारी हेरफेर भएको विषय दल दर्ता किताबमा अभिलेख गर्न पार्टीको माइन्युट, कागजात र पत्रहरुको आधारमा निमल्ने भन्ने त्यस आयोगको निर्णय कानुन सम्मत छैन ।

प्रचण्ड-माधव पक्षले दलको बहुमत केन्द्रीय सदस्यले अनुशासनको कारवाही गरेको पदाधिकारीको साटो अर्को नेतालाई अध्यक्ष पदमा चयन गरेको विषय दल दर्ता किताबमा हेरफेर गरि अध्याबकिधक गर्नुपर्ने कानुनी दायित्वबाट आयोग र प्रमूख आयुक्त लगायतका आयुक्तहरु पन्छिन खोजेको आरोप लगाएको छ ।

प्रचण्ड र माधवकुमार नेपालले संयुक्त रुपमा हस्ताक्षर गरेर आयोगमा बुझाइएको पत्रमा चेतावनीको शैलीमा भनिएको छ–राज्यका संवैधानिक अंगहरुको सामान्य त्रुटीले मुलुक अन्योलताको स्थितितर्फ नधकेलियोस् भन्ने तर्फ हामी सबै सचेत हुन र यसलाई आत्मसात गर्न जरुरी छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ