सुशान्तको हस्तलिखित पत्र बाहिरियो, लेख्छन् –३० वर्ष बिताएपछि लाग्यो जिन्दगीको खेल नै गलत थियो – Nepal Press

सुशान्तको हस्तलिखित पत्र बाहिरियो, लेख्छन् –३० वर्ष बिताएपछि लाग्यो जिन्दगीको खेल नै गलत थियो

मुम्बई –दिवगंत बलिउड अभिनेता सुशान्तसिंह राजपुतकी बहिनी श्वेता सिंहले आफ्ना दाजुले लेखेको हस्तलिखित पत्रलाई सामाजिक संजालमा सेयर गरेकी छन् । जसमा सुशान्तले आफ्नो ३० वर्षको अनुभव र जिन्दगीको वास्तविक खेलको बारेमा चर्चा गरेका छन् ।

श्वेता क्याप्सनमा लेख्छिन् –भाइले लेखेको पत्र । सोच एकदमै गहिरो छ ।’ सुशान्तको पत्रको नेपाली अनुवाद –मलाई लाग्छ कि मैले जिन्दगीका ३० वर्ष बिताएँ । सुरुआती ३० वर्ष केही बन्ने प्रयासमा । म हरेक चीजमा असल बन्न चाहन्थेँ । म टेनिस, स्कुल र ग्रेड्समा राम्रो बन्न चाहन्थेँ । यही कारण मैले ती सबै चीजलाई त्यही नजरबाट हेरेँ । म जस्तो छु, वास्तविकरुपमा ठीक छैन । मलाई पछि लाग्यो कि जिन्दगीको पुरै खेल नै गलत छ । किनभने पुरा खेल त त्यही कुरालाई पाउनु थियो, जुन म पहिले थिएँ ।’

१४ जुन २०२० मा सुशान्तलाई मुम्बइस्थित फ्ल्याटमा मृत अवस्थामा भेटिएको थियो । उनको मृत्युपछि प्रहरीले छानविन अगाडि बढायो तर कुनै निष्कर्ष भेटिएन । यस मामिलामा उनकी प्रेमिका रिया चक्रवर्तीलाई एक महिना जेलमा बस्नुपर्‍यो । सुशान्तको मृत्यु अहिले पनि रहस्यमै छ र प्रहरीले अहिले पनि अनुसन्धान अगाडि बढाइरहेको छ ।


प्रतिक्रिया

Leave a Reply

Your email address will not be published. Required fields are marked *