आफ्नो स्वार्थका लागि ओलीले नै जबज सिध्याए: भट्टराई – Nepal Press

आफ्नो स्वार्थका लागि ओलीले नै जबज सिध्याए: भट्टराई

सुर्खेत। नेपाल कम्युनिष्ट पार्टी (प्रचण्ड–माधव पक्ष)का नेता योगेश भट्टराईले प्रधानमन्त्री केपी शर्मा ओलीले ‘जनताको बहुदलीय जनवाद (जबज) सिध्याएको आरोप लगाएका छन्।

आइतबार वीरेन्द्रनगरमा आयोजना गरिएको कार्यकर्ता प्रशिक्षण भेलालाई सम्बोधन गर्दै भट्टराईले त्यसतो आरोप लगाएका हुन।

‘मदन भण्डारीले प्रतिपादन गरेको जनताको बहुदलीय जनवादमा कानुनी शासन, संविधानको सर्वोच्चता, बहुमतको अधिनमा अल्पमत जस्ता १४ वटा बुँदा छन्,’ भट्टराई भन्छन्, ‘ती मध्य ओलीले कुनै पनि बुँदालाई पालना गरेनन्। उहाँले जबजलाई आफ्नो स्वार्थको लागि खानुभयो। जबजलाई भजाउँदै सनकी तालले संसद विघटन गरेर संविधानलाई नै च्यात्ने प्रयास गर्नुभयो।’

प्रधानमन्त्री ओलीले पद र शक्तिलाई नै आफ्नो अन्तिम लक्ष्य ठानेका कारण देशमा राजनीतिक अस्थिरता निम्तिएको उनको टिप्पणी थियो।

भट्टराईको भनाइ छ, ‘उहाँ अध्यक्ष पनि हो। प्रधानमन्त्री पनि हो। उहाँले पार्टी एकीकरणपछि आफ्नो स्वार्थमा मात्रै काम गर्नु भयो। उहाँले पार्टी बैठकमा एक कुरा गर्ने, अनि निर्णय अर्को गर्ने गर्नुभयो।’

आफूले गल्ती गरेको भन्दै आत्माआलोचना गरेर एकताको बाटोमा ओली आएमा आफूहरु पुनः एकतामा अघि बढ्न सक्ने बताए।

प्रतिक्रिया

Leave a Reply

Your email address will not be published.

सम्बन्धित खवर