‘कि रोजगारी देऊ कि कोरिया पठाइदेऊ’ भन्दै इपिएस शाखा अगाडि प्रदर्शन – Nepal Press

‘कि रोजगारी देऊ कि कोरिया पठाइदेऊ’ भन्दै इपिएस शाखा अगाडि प्रदर्शन

काठमाडौं । रोजगारीका सम्पूर्ण प्रक्रिया पूरा गरेर पनि दक्षिण कोरिया जान नपाएका युवाले आज ग्वार्कोमा रहेको इपिएस कोरिया शाखाको कार्यालयमा प्रदर्शन गरेका छन् ।

सम्पूर्ण प्रक्रिया पूरा गरेर उडानको पर्खाइमा रहँदा सरकारले कुनै वास्ता नगरेको भन्दै इपिएस संघर्ष समितको समन्वयमा उनीहरुले प्रदर्शन गरेका हुन् ।

सरकारले कोभिड–१९ रोकथाम तथा नियन्त्रणका लागि कोरिया उडान बन्द गरेपछि इपिएस पाससहित सम्पूर्ण प्रक्रिया पूरा गरी बसेका उनीहरुले आफूहरुलाई अनिवार्य पठाउनुपर्ने माग गरेका छन् । उनीहरुले ‘कि रोजगारी दिनुपर्‍यो, कि कोरिया जान दिनुपर्‍यो’, लगायतका नारासहित प्रदर्शन गरेका हुन् ।

प्रदर्शनमा सहभागीले स्वदेशमा रोजगारी नभएको अवस्थामा कोरियाका लागि सबै प्रक्रिया पूरा भइसकेको बताउँदै जतिसक्दो चाँडो आफूहरुलाई पठाउन सरकारसमक्ष आग्रह गरेका छन् ।


प्रतिक्रिया

Leave a Reply

Your email address will not be published. Required fields are marked *