निर्देशन अवज्ञा गर्दै ‘मन्स्टर हन्टर’ फिल्म रिलिज, सरकारले बक्सअफिस पासवर्ड दिन मानेन – Nepal Press

निर्देशन अवज्ञा गर्दै ‘मन्स्टर हन्टर’ फिल्म रिलिज, सरकारले बक्सअफिस पासवर्ड दिन मानेन

सरकारी आदेशलाई अवज्ञा गर्दै नेपाली सिनेमा घरहरुले हलिउड फिल्म ‘मन्स्टर हन्टर’ रिलिज गरेका छन् । संचार मन्त्रालयले मन्त्रिपरिषद्को निर्णयविना नयाँ फिल्म रिलिज नगर्न विहिबार चलचित्र विकास बोर्डलाई निर्देशन दिएको थियो । मन्त्रालयको आदेश आएपछि फिल्म हलहरुले बक्सअफिसको सेन्ट्रल सर्भर कोड प्रयोग विनै फिल्म चलाएका हुन् । यो कोड नहुँदा कर प्रणालीमा फिल्मको सूचना जाँदैन ।

क्यूएफएक्स, मिटडाउन, बिग मूभिज लगायतका ठूला मल्टिप्लेक्सले शुक्रबार बिहानैदेखि फिल्म चलाएका हुन् । नेपाल प्रेससँग कुरा गर्दै ती हलका प्रतिनिधिले चलचित्र संघको निर्णयअनुसार फिल्म रिलिज गरेको बताए । सरकारले फिल्म रिलिज नगर्न भनेपनि व्यवसायीले एकपक्षीय रुपमा हल खोलिरहेका छन् । चलचित्र विकास बोर्डका अध्यक्ष दयाराम दाहालले आफूहरुको आदेशलाई अटेर गर्दै हलले फिल्म चलाएको सूचना पाएको बताए ।

‘यसबारेमा आइतबार सीसीमएसीको निर्णय लिएर मुख्य सचिवसँग छलफल हुनेछ’ दाहालले भने, ‘त्यसपछि के हुन्छ, त्यही अनुसार अघि बढ्नेछौं ।’ कोभिड संकट व्यवस्थापन केन्द्र (सीसीएमसी)ले चाहिँ हल र विद्यालय खुलाउनेबारे कुनै निर्णय नभएको जनाउँदै छलफलको प्रक्रियामा रहेको बताएको छ । सरकारले हल खोल्ने अनुमति नदिँदा ढुक्करुपमा फिल्मको गतिविधि संचालन हुन सकेको छैन ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर