माधव नेपाल र राजेन्द्र महतो पुगे जनकपुर

जनकपुरधाम । नेकपा अध्यक्ष माधव कुमार नेपाल र जनता समाजवादी पार्टी (जसपा)का बरिष्ट नेता राजेन्द्र महतो आज एउटै फ्लाइटबाट जनकपुरधाम आइपुगेका छन् ।

आज साँझ जनकपुरधाम अवतरण गरेका अध्यक्ष नेपाल र जसपा वरिष्ट नेता महतोलाई आ–आफ्नो पार्टीका नेता कार्यकर्ताले भव्य स्वागत गरेका छन् । संसद विघटनविरुद्ध उनीहरु धनुषा र सिरहाका अलग-अलग कार्यक्रममा सहभागी हुने बताइएको छ ।

प्रचण्ड समूहका नेकपा अध्यक्ष नेपाल शनिबार सिरहाको कर्जन्हामा जय गोबिन्द यादवको स्मृति सभामा सहभागी हुनेछन् । उनी धनुषाको मिथिला बिहारी नगरपालिकाको तारापट्टी र कचुरीमा भुमिगत समयका सहकर्मीहरुसँग समेत भेटघाट गर्ने कार्यक्रम रहेको एक नेताले बताए ।

धनुषा क्षेत्र नं. ३ बाट महतो निर्वाचित भएका थिए । उनी आफ्ना क्षेत्रका जनतासँग भेटघाट र संसद विघटनविरुद्ध पुस २५ गते जनकपुरमा हुने सभामा सहभागी हुन आएको बताइएको छ ।