भारतबाट देशविरुद्ध तानाबाना बुन्ने काम गरेर प्रचण्ड नफर्किउन्: बास्कोटा

काठमाडौं। नेकपा नेता तथा पूर्व सं‌‌चारमन्त्री गोकुल बास्कोटाले विभाजित पक्षका अध्यक्ष प्रचण्डलाई देशविरुद्ध विदेशीसँग मिलेर तानाबाना नबुन्न चेतावनी दिएका छन् । पत्नी सीता दाहालको उपचारमा केन्द्रित हुन सुझाव दिंदै उनले सीता दाहालको स्वास्थ्य लाभको कामना गरेका छन् ।

प्रचण्ड हाल पत्नीको उपचारका लागि भारतमा छन्। बास्कोटाले ‘भारत रहेका प्रचण्डबाट देशविरुद्ध तानाबाना बुन्ने काम नहोस्’ भन्ने कामना गरेका छन्।

‘पुष्पकमल दाहालकी धर्मपत्नी सीता दाहालको उपचार सफल होस, शुभकामना’ बास्कोटाले बिहीबार सामाजिक संजाल फेसबुकमा लेखेका छन्, ‘तर कसैको मन्त्रणामा देशविरुद्ध तानाबाना बुन्ने काम गरेर दहाल फर्के भने राजनीतिक शक्ति संघर्षले कष्टकर बाटो समाउने निश्चित छ।’