विराटनगरको वायु प्रदूषण रेडजोनमा, महानगरले दियो यस्तो चेतावनी – Nepal Press

विराटनगरको वायु प्रदूषण रेडजोनमा, महानगरले दियो यस्तो चेतावनी

अत्यावश्यक काम बाहेक घर बाहिर ननिस्कन महानगरको आग्रह

विराटनगर । विराटनगर सहरको वायु प्रदूषणको मात्रा अत्यधिक बढ्न थालेको छ। काठमाण्डौ जस्तै विराटनगर पनि बढी प्रदूषण हुनेमा उक्लिएको हो ।

आइक्यू एअरका अनुसार विराटनगरको वायुमण्डलमा विहिबार बिहान एअर क्वालिटी इन्डेक्स एक्यूआई ०१९७ पुगेको छ।

विराटनगरमा चिसो बढेसँगै वायु प्रदूषण खतराको सङ्केत पार गरेको हो।गएको मंगलबार सबै भन्दा बढी एअर क्वालिटी इन्डेक्स एक्यूआई० २१९ पुगेको थियो । विज्ञहरुका अनुसार हावामा प्रदूषणको मात्र ४०–६० सम्मको अवस्थालाई राम्रो मानिन्छ । तर विराटनगरमा हावाको गुणस्तर ९एयर क्वालेटी इन्डेक्स० १८० भन्दा माथि छ ।

चिसो बढेसँगै हावामा प्रदूषणको मात्रा पनि बढेको वातावरण विज्ञ रामचन्द्र अधिकारीले बताए । उनका अनुसार हावाको गुणस्तर पार्टीकुलर म्याटर ‘पिएम २।५’ र ‘पिएम १०’ स्केल बिधीबाट मापन गरिन्छ ।

यसरी मापन गर्दा ४०–६० सम्मको अवस्थालाई सामान्य र त्यसमाथिको अवस्थालाई खतराको संकेत भन्दा माथि मानिने उनले बताए । ‘ चिसो बढेका कारण धूला धूलो उडेर धेरै टाढा जानसक्दैन् ।’ उनले भने ‘ हावामा धूवा धूलोको मात्र बढी भए मानव स्वास्थ्यलाई गम्भिर असर गर्छ ।’
प्रदूषणका कारण मंगलबारदेखि नै सर्वसाधारणहरुले आँखा पोलेको महसुस गरेका छन्।हिजो वायु प्रदूषणमा केही सुधार आएको थियो। तर अहिले एक नम्बरमा छ।

आइक्यु एयरले वायु प्रदुषणको स्तर केही कम देखाए पनि विराटनगरको आकाश ढाकेको आँखा पोल्ने तुवाँलो पूर्णरुपमा हटिसकेको छैन। विहिबार विहान समान्य घाम लागेकाले आकाश तुवाँलो घटदै गएको छ ।

मुलुकभरको बायु प्रदुषणको विवरण हेरिने डिस्प्ले अहिले विराटनगर ३ स्थित डिभिजन बन कार्यालयमा राखिएको छ । संघीय सरकार अन्र्तगत बातावरण विभागले वायुप्रदुषण मापन गर्ने उत्त डिस्प्ले गत वर्ष साउनदेखी राखेको थियो ।

वायु प्रदूषणले फोक्सोमा असर पुग्ने भएकाले घरबाहिर निस्कँदा अनिवार्य मास्क लगाउन चिकित्सकहरुले आग्रह गरेका छन्।

वायु प्रदूषणले फोक्सोका साथै आँखा, मस्तिष्क र छालालाई समेत असर गर्ने हुँदा जोगिएर हिँड्न कोशी अस्पतालका वरिष्ठ फिजिसियन डा दिपक सिग्देलको सुझाव छ । डा सिग्देलले सामान्य मानिसदेखि सबै उमेर समूहका मानिसलाई यसले असर पार्ने भएकाले सावधानी अपनाउन आग्रह गरेका छन ।

महानगरको आग्रह

विराटनगरको वायू प्रदूषणले खतराको संकेत पार गरेपछि घरबाहिर ननिस्कन विराटनगर महानगरपालिकाले अपिल गरेको छ ।वायू प्रदूषण बढेपछि महानगरपालिकाले अत्यावश्यक काम बाहेक घर बाहिर ननिस्कन अपिल गरेको हो ।

काठमाडौंको प्रदूषण उच्च भएका कारण मंगलबार सरकारले अत्यावश्यक काम बाहेक घर बाहिर ननिस्कन आग्रह गरेको थियो ।

महानगरपालिकाले फाहोर सामाग्री डढाउने र मर्निङवाक गर्ने कार्य केही दिनलाई रोक्न आग्रह गरेको छ । धुलो उत्सजन हुने विकास निर्माणका काम पनि तत्कालका लागि रोक्न महानगरले आग्रह गरेको हो ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर