मन्त्री थापालाई जाजरकोटमा कालोझण्डा देखाइयो – Nepal Press

मन्त्री थापालाई जाजरकोटमा कालोझण्डा देखाइयो

काठमाडौं । प्रचण्ड–माधव नेपाल पक्षधर विद्यार्थीले खानेपानी मन्त्री मणि थापालाई जाजरकोटमा कालो झण्डा देखाएर विरोध जनाएका छन् ।

दोस्रो चरणको घोषित आन्दोलन अनुसार केपी ओली सरकारका मन्त्रीहरुलाई कालो झण्डा देखाइने अनेरास्ववियूका नेता सुरेन्द्र बस्नेतले बताए ।

उनले आज विहान जाजरकोटको भेरी नगरपालिकास्थित बोहरामा मन्त्री थापालाई कालो झण्डा देखाएर प्रतिगमनको विरोध गरिएको बताएका छन् ।

अ‍ोली नेतृत्वको नेकपाका कर्णाली प्रदेश इन्चार्ज समेत रहेका थापा जाजरकोटमा कार्यकर्ता भेलालाई सम्बोधन गर्न मंगलवार सुर्खेत पुगेका थिए ।

आज जाजरकोटमा भेला आयोजना गरिएको भेरी नगरपालिकाका मेयर समेत रहेका नेकपा नेता सीपी घर्तीले बताएका छन् । केही व्यक्तिले सडकमा उभिएर कालो झण्डा देखाएको बताउँद घर्तीले आफूहरुले वास्ता नगरेको जानकारी दिए ।

प्रतिक्रिया

Leave a Reply

Your email address will not be published.

सम्बन्धित खवर