नेपाल प्रेस समाचार प्रभाव: वान एक्स बेटले हटायो पेमेन्ट प्लेटफर्म, युट्युबरले हटाए विज्ञापन

काठमाडौं । नेपाल प्रेसले वान् एक्स बेटले नेपालमा निर्वाध रूपमा गरिरहेको अवैध ‘सट्टेबाजी’, ‘हुन्डी’ ‘अनलाइन ट्रान्जेक्सन’ धन्दा र यसको प्रोमोसन सम्बन्धी तथ्यहरु नियमित खुलासा गरेपछि आफ्नो प्लेफर्मबाट खल्ती, आइएमई पे जस्ता सबै प्लेटफर्मलाई हटाएको छ ।

यसका साथै केही युट्युबका कन्टेन्ट क्रिएटहरूले पनि आफ्नो भिडिओबाट यसको वान् एक्स बेटको प्रोमोशन भएको भाग हटाएका छन् । स्रोतले दिएको जानकारी अनुसार नेपालबाट सम्भव हुनै सबै किसिमका ट्रान्जेक्सनका प्लेटफर्महरू हटाएको छ ।

“हिजोसम्म ‘विथ्ड्र’ र ‘डिपोजिट’का लागि आइएमई पे, खल्ती लगायतका पेमेन्ट प्लेटफर्महरू उपलब्ध थिए,” स्रोतले भन्यो, “आज ती सबै प्लेटफर्म हटाएको छ ।” त्यस्तै, युट्युबका कन्टेन्ट क्रिएटरहरू- दी कार्टुन्ज क्रू, राइजिङ स्टार नेपाल र गणेश जिडीले आफ्नो भिडियोबाट प्रोमोसन भएको भिडियो हटाएका छन् । नेपाल प्रेसलाई उपलब्ध स्क्रिनसटमा पनि हिजोसम्म देखिएका खल्ती आइएमई पे लगायतका कुनै प्लेटफर्म वान् एक्स बेटको अकाउन्टमा देखिँदैन ।

दी कार्टुन्ज क्रूले ‘B3 PART 2 | HORROR SHORT COMEDY MOVIE | THE CARTOONZ CREW ‘ नामको भिडियोमा सरोज अधिकारीले गरेको विज्ञापनको भिडियो राखेको थियो ।

यो हेर्नुहोस्…

तर, नेपालप्रेसमा समाचार सार्वजनिक भएसँगै कार्टुन्ज क्रूले आफ्नो भिडियोबाट त्यो क्लिप हटाएको छ ।

त्यस्तै राइजिङ स्टार नेपालले Every Nepali In Winter|Risingstar Nepal नामको भिडियोकोबीचमा राखेको वान् एक्स बेटको प्रोमोसन भएको क्लिप राखेको थियो ।

यो हेर्नुहोस्…

त्यस्तै गणेश जिडीले केहि दिन अगाडि राखेको WINTER IS HERE / School Boyz /Ganesh GD नामको भिडियोको सुरुमा वान् एक्स बेटको प्रोमोसन राखेको थियो ।

यो हेर्नुहोस्…

तर, नेपालप्रेसमा भिडियो समेत समेटेर समाचार प्रकाशित भएसँगै उनले त्यो भिडियोबाट वान् एक्स बेटको प्रोमोसन हटाएका छन् ।