बालबालिकाको प्रश्न प्रधानमन्त्रीलाई– तपाईंका लागि हामी को हौं ? (भिडियाे) – Nepal Press

बालबालिकाको प्रश्न प्रधानमन्त्रीलाई– तपाईंका लागि हामी को हौं ? (भिडियाे)

काठमाडौं । नेपाल स्काउटले इस्वी सनकाे हरेक नयाँ वर्षका दिन स्काउटर बालबालिकालाई एउटा मौका मिलाइदिन्छ–देशको कार्यकारी प्रमुखलाई प्रत्यक्ष भेटेर प्रश्न गर्ने र आफ्ना भावना पोख्ने ।

गत वर्षदेखि स्काउटका राष्ट्रिय संयोजक लोकबहादुर भण्डारीले स्काउटका संरक्षक समेत रहेका प्रधानमन्त्री केपी शर्मा ओलीलाई भविष्यका कर्णधारसँग अन्तरक्रियाको लागि राजी गराएका थिए ।

जनवरी पहिलो दिनमा यसपटक पनि बालबालिका प्रधानमन्त्रीसँग प्रश्न गर्न र केही भावना व्यक्त गर्न बालुवाटार पुगे । उनीहरुले धित मरुन्जेल प्रश्न राखे । छानिएका प्रश्नकर्ताको पालो सकिएपछि प्रधानमन्त्रीले ‘अरु कोही ?’ भन्दै प्रश्न मागे ।

बालबालिकाले उनलाई एसिड आक्रमण विरुद्धको कानून ल्याएकोमा धन्यवाद दिए । सँगसँगै बलात्कार विरुद्धको कानूनले मात्र अपराध घट्ला र ? भन्ने प्रश्न पनि गरे ।

एकजना बालकले प्रश्न गरे–प्रधानमन्त्रीज्यू तपाईंको लागि हामी बालबालिका को हौं ?
मेरा लागि आँखाको नानी जस्तै हौ । मुटुका धड्कन, मेरा प्यारा सन्तति, भविष्यका कर्णधार जे भने पनि हुन्छ । मैले सबैभन्दा बढी मन पराउने नै केटाकेटी हुन् । म उनीहरुमा धर्तीको भविष्य देख्छु ।

प्रधानमन्त्रीसँग बालबालिकाले राजनीतिदेखि अपराधसम्म र आफ्नो विरोध गर्नेहरुलाई के भन्नुहुन्छ जस्ता प्रश्न पनि सोधे । सबै प्रश्नको विस्तृतमा जवाफ दिएका प्रधानमन्त्रीले बालबालिकाले राजनीति गर्न नहुने र इन्टरनेट माध्यमबाट हुने कुलतमा फस्न नहुने सुझाव पनि दिए ।

नेपाल प्रेसले प्रत्यक्ष प्रसारण गरेको बालबालिकासँग प्रधानमन्त्री कार्यक्रमको विस्तृत प्रश्नोत्तरको भिडियो यहाँ हेर्न सकिन्छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर