राष्ट्रपति, प्रधानमन्त्री र अध्यक्ष बन्न नपाएपछि केही नेता बाहिरिए– बादल – Nepal Press

राष्ट्रपति, प्रधानमन्त्री र अध्यक्ष बन्न नपाएपछि केही नेता बाहिरिए– बादल

काठमाडौं । गृहमन्त्री रामबहादुर थापा ‘बादल’ पार्टी विभाजनपछि लगातार आफ्ना पूर्व कमाण्डर ‘प्रचण्ड’को आलोचक बनेर प्रस्तुत हुन थालेका छन् । नेकपामा लामो समयदेखि विवाद चलिरहँदा प्रायः तटस्थ रहँदै आएका बादल विभाजनको केही दिनपछि मात्र केपी ओली पक्षमा खुलेका थिए ।

प्रचण्डले आफ्नै प्रथम अध्यक्ष केपी ओली नेतृत्वको सरकार अपदस्थ गर्न खोजेर प्रतिक्रान्तिको नेतृत्व गरेपछि आफूले उनको साथ छाडेको बादलले शुक्रबार पनि दोहोर्याएका छन् । ओली पक्षीय नेकपाको ललितपुर महानगर कमिटीले आयोजना गरेको कार्यक्रममा बादलले प्रचण्डका कारण पार्टी विघटनतिर गएको बताए ।

नेकपा सचिवालय सदस्यसमेत रहेका बादलले प्रधानमन्त्रीमाथि १९ बुँदे निराधार आरोपपत्रमार्फत प्रचण्डले पार्टी विघटन गर्न खोजेको र त्यसबाट जोगाउन आफूहरुले पुनर्गठन गरेको बताए । प्रचण्डलाई आरोपपत्र फिर्ता गरेर पार्टी जोगाउन धेरै आग्रह गर्दा पनि उनले नमानेको बादलले बताए ।

बादलले कार्यकर्तासँग भने– कमरेड प्रचण्ड प्रतिक्रान्तितर्फ लाग्नुभयो । उहाँहरुले अलग–अलग गुट बनाउने, एकजना राष्ट्रपति बन्नुपर्ने, अर्कोलाई प्रधानमन्त्री नभई नहुने,अर्कोलाई अध्यक्ष बनाउनुपर्ने स्वार्थ पूरा नभएपछि उहाँहरु आफैं बाहिरिनुभयो ।

बादलले नेकपा विभाजन गर्ने विदेशी डिजाइनमा प्रचण्ड–माधव नेपालहरु फसेको आरोप बादलले लगाए । उनले प्रतिक्रान्तिबाट मुलुक र पार्टीलाई जोगाउन प्रधानमन्त्रीले ऐतिहासिक पहल लिएर प्रतिनिधिसभा विघटन गरेको बताए ।

प्रतिक्रिया

Leave a Reply

Your email address will not be published.

सम्बन्धित खवर