लुम्बिनी प्रदेशः ५ महिनामा १५ प्रतिशत बजेट खर्च – Nepal Press

लुम्बिनी प्रदेशः ५ महिनामा १५ प्रतिशत बजेट खर्च

रुपन्देही । लुम्बिनी प्रदेश सरकारले चालु आर्थिक वर्षको ५ महिनामा (साउनदेखि मंसिरसम्म) १५ प्रतिशत बजेट खर्च गरेको छ ।
जसमा चालु खर्च १९ दशमलव ३९ प्रतिशत रहेको छ भने पूँजीगत खर्च ११ दशमलव ९० प्रतिशत रहेको छ ।

प्रदेश लेखा नियन्त्रक कार्यालयका प्रमुख दिपक ज्ञवालीका अनुसार भौतिक पूर्वाधार विकास मन्त्रालयले १५ अर्ब २ करोड २४ लाख ४८ हजार बजेट बिनियोजन गरेकोमा यो पाँच महिनामा २ अर्ब ११ करोड ३० लाख रुपैयाँ अर्थात १४ दशमलब शुन्य ७ प्रतिशत बजेट खर्च भएको छ ।

त्यस्तै सामाजिक विकास मन्त्रालयले ५ अर्ब ६० करोड ५६ लाख ६१ हजार बजेटबाट १४ दशमलव ९८ प्रतिशत खर्च गरेको जानकारी दिएको छ ।

त्यस्तै भूमि व्यवस्था, कृषि तथा सहकारी मन्त्रालयले ४ अर्ब ७२ लाख ८६ हजार बजेटबाट १७ करोड ७४ लाख १७ हजार ९ अर्थात ४ दशमलव ४३ प्रतिशत बजेट खर्च गरेको छ ।

२ अर्बको बजेट रहेको उद्योग, पर्यटन वन तथा वातावरण मन्त्रालयले पनि सोही समयमा १९ दशमलव ९३ प्रतिशत बजेट खर्च गरेको छ ।
आर्थिक मामिला तथा योजना मन्त्रालयले १२ करोड ६९ लाख ९७ हजार बजेटबाट २ करोड खर्च भएको छ ।

आन्तरिक मामिला तथा कानुन मन्त्रालयले ७० करोडको बजेटबाट ४ करोड ८४ लाख ६ हजार १ सय ४ रुपैया अर्थात ६ दशमलव ८३ प्रतिशत बजेट खर्च भएको जानकारी दिएको छ ।

प्रदेश सभा सचिवालयले २५ करोड ९९ लाख ९९ हजार बजेटमा ५ करोड अर्थात २१ दशमलव ७४ प्रतिशत बजेट खर्च गरेको छ ।

चालु आर्थिक वर्षका लागि प्रदेश सरकारले ३६ अर्ब ३५ करोड २५ लाखको बजेट विनियोजन गरेको छ ।

 

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर