प्रियंका-शिव स्टारर ‘एउटा यस्तो प्रेम कहानी’ माघ १ गते रिलिज हुने – Nepal Press

प्रियंका-शिव स्टारर ‘एउटा यस्तो प्रेम कहानी’ माघ १ गते रिलिज हुने

बन्नेभो लकडाउनपछि रिलिज हुने पहिलो नेपाली फिल्म

शिव श्रेष्ठ र प्रियंका कार्की स्टारर फिल्म ‘एउटा यस्तो प्रेम कहानी’ माघ १ गते रिलिज हुने भएको छ । निर्माता समेत रहेका श्रेष्ठलेफिल्म रिलिज हुन लागेको पुष्टि गरे । मिति घोषणासँगै यो फिल्म लकडाउनपछि रिलिज हुने पहिलो बन्नेछ ।

यद्यपी, सरकारले आधिकारिकरुपमा फिल्म हल खुलाउने निर्णय गरिसकेको छैन । एकपक्षीयरुपमा फिल्म हल भने खुलेका छन् । कतिपय निर्माता अझै पर्ख र हेरको मुडमा छन् । यसवर्ष रिलिज हुने फिल्मलाई ५ लाख रुपैयाँ राहत दिने घोषणा चलचित्र विकास बोर्डले गरिसकेको छ ।

नेपाल प्रेससँग कुरा गर्दै अभिनेता एवं निर्माता श्रेष्ठले कोरोनापछि थलिएको माहौल बनाउन पनि फिल्म रिलिज गर्न लागिएको बताए । ‘पैसा कमाउनेभन्दा पनि माहौल बनाउनको लागि यस्तो निर्णय लिएका हौं’ श्रेष्ठले भने, ‘नयाँ फिल्म रिलिज भए दर्शक हल आउन आतुर हुनुहुन्छ । उहाँहरुको मुड बुझेरै फिल्म लगाउनेछौं ।’

फिल्ममा शिवले प्रियंका कार्कीसँग अनस्क्रिन रोमान्स गरेका छन् । वर्षा राउत, नरेन खड्का, आयुष्मान देशराज जोशी र मिथिला शर्मा समेत छन् । दिपेश सापकोटाले फिल्म निर्देशन गरेका हुन् । शिवसहित दिनेश दर्शनहरी र यशोधा राई तुम्बाहाम्फेले फिल्म निर्माण गरेका हुन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर