माओवादी विद्रोहमाथि बनेको ‘द होल टाइमर्स’ छायांकन सुचारु, यसरी हुँदैछ फिल्म सुटिङ – Nepal Press

माओवादी विद्रोहमाथि बनेको ‘द होल टाइमर्स’ छायांकन सुचारु, यसरी हुँदैछ फिल्म सुटिङ

अन्तराष्ट्रिय लगानी जितेको फिल्म ‘द होल टाइमर्स’को छायांकन पुनः सुरु भएको छ । कोरोनाभाइरस महामारीले रोकिएको फिल्म अछाम, कैलाली र बर्दियामा सुरु हुँदैछ ।

मिडिया पोर्टले निर्माण गरिरहेको फिल्मले छायांकनमा पुनः जानुपूर्व एक्सक्लुसिभ तस्विर सार्वजनिक गरेको छ । पूजा गुरुङ र विभुषण बस्नेतको जोडीले निर्देशन गरिरहेको फिल्मले माओवादी सशष्त्र द्धन्द्ध बेलाको कथा पेश गर्छ ।

सरकारले छायांकन फुकुवा गरेलगत्तै कामलाई अगाडि बढाइएको मिडिया पोर्ट प्रमुख प्रवीण कार्की टक्कीले बताए । सुदुरपश्चिममा छायांकन हुने फिल्म सरकारले गत चैत ११ गते घोषणा गरेको लकडाउनपछि रोकिएको थियो ।

नन–एक्टरलाई लिएर बनाइएको फिल्मले युरोपको सिनेमाज् दे मन्डे ग्रान्ट पनि जितेको थियो । एउटा युवा माओवादी लडाकुले तत्कालिन सशष्त्र विद्रोहको अन्तिम तीन वर्षमा हेर्ने दृष्टिकोणमाथि कथा बुनिएको छ । पूजा र विभुषण यही फिल्मबाट फिचरमा डेब्यु गर्दैछन् । फिल्म निर्माणमा मिडिया पोर्ट र फ्रान्सेली निर्माण कम्पनी लेस फिल्मस डु टेम्बोरले सहकार्य गरेका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ