पौडेलले गरे जोशीको स्वास्थ्यलाभको कामना

काठमाडौं । नेपाली कांग्रेसका वरिष्ठ नेता रामचन्द्र पौडेलले कांग्रेस पूर्व सहमहामन्त्री गोविन्दराज जोशीको स्वास्थ्यलाभको कामना गरेका छन् । राजनीतिक रुपमा कटु सम्बन्ध रहेका जोशीलाई ‘सहयात्री’ भन्दै पौडेलले स्वास्थ्यलाभको कामना गरेका हुन् ।

सामाजिक सञ्जालमार्फत पौडेलले कोरोना संक्रमण भई उपचाररत जोशीको स्वास्थ्य लाभको कामना गरेका छन् ।

पौडेलले लेखेका छ– मेरा सहयात्री, नेपाली कांग्रेसका पूर्व सह महामन्त्री एवं पूर्व मन्त्री श्री गोविन्दराज जोशीजी कोभिड १९ को संक्रमणको कारण अस्वस्थ भै हेम्स अस्पताल ९ काठमाडौंमा उपचाररत हुनुहुन्छ । उहाँको शीघ्र स्वास्थ लाभको कामना गर्दछु ।

पौडेल र जोशी दुवैको गृहजिल्ला तनहुँ हो । गत आमनिर्वाचनमा जोशीले पौडेलविरुद्ध वागी उम्मेदवारी दिएका थिए । पौडेलको उजुरीपछि निर्वाचन आयोगले जोशीको उम्मेदवारी रद्द गरेको थियो ।

पार्टीको उम्मेदवार हराउन भूमिका खेलेको भन्दै कांग्रेसले जोशीलाई साधारण सदस्यसमेत नरहने गरी कारबाही गरेको छ । जोशी हाल ह्याम्स अस्पतालमा उपचाररत छन् ।