शैक्षिकसत्र र परीक्षा तथा पठनपाठन तत्काल थाल्न अखिलको माग – Nepal Press

शैक्षिकसत्र र परीक्षा तथा पठनपाठन तत्काल थाल्न अखिलको माग

काठमाडौं । सत्तारुढ नेकपा सम्बद्ध विद्यार्थी संगठन अनेरास्ववियूले कोभिड महामारीका कारण लामो समयदेखि अवरुद्ध रहेको शैक्षिक वर्षलाई तत्काल शुरु गर्न सरकारसँग माग गरेको छ ।

नेकपा विभाजनपछि काठमाडौंमा बसेको ओली नेतृत्वको नेकपा सम्बद्ध अनेरास्ववियूको केन्द्रीय कमिटी बैठकले अवरुद्ध शैक्षिक सत्र,परीक्षा र पठनपाठन यथाशीघ्र शुरु गर्न माग गरेको हो ।

बैठकका निर्णय सार्वजनिक गर्न मंगलवार आयोजित पत्रकार सम्मेलनमा संगठनका संयोजक ऐन महरले विद्यालय तथा क्याम्पस तहका कक्षा तथा परीक्षाहरु सुरक्षा मापदण्ड सहित सन्चालन गर्नुपर्ने बताए । बैठकले स्वतन्त्र विद्यार्थी युनियनको निर्वाचन फागुन १४ मै सम्पन्न गर्न समेत माग गरेको छ ।

अनेरास्ववियूले प्रतिनिधिसभा विघटन गर्ने प्रधानमन्त्रीको कदमको स्वागत गर्दै संगठनको केन्द्रीय कमिटीलाई ३६५ बाट बढँउर १ हजार ९९ सदस्यीय बनाइएको महरले बताए । साबिक कमिटीका बहुमत सदस्य बैठकमा सहभागी रहेको उनको दावी छ ।

प्रतिक्रिया

Leave a Reply

Your email address will not be published.

सम्बन्धित खवर