जापानले उडानमा रोक लगाएपछि नेपाली विद्यार्थी अन्योलमा – Nepal Press

जापानले उडानमा रोक लगाएपछि नेपाली विद्यार्थी अन्योलमा

भिसा लिइसकेकाहरुले जापान जान पाउने,बेलायत र दक्षिण अफ्रिका प्रतिबन्धित

काठमाडौं । बेलायतमा कोरोनाभाइरसको नयाँ रूप देखा परेपछि जापान सरकारले आइतबार मध्यरातबाट नेपालसहितका विदेशी उडानमा रोक लगाएको छ ।

जनवरी अन्त्यसम्मका लागि लगाइएको रोकले नेपालबाट जापान जाने विद्यार्थी एवं कामदार प्रभावित हुने भएका छन् ।
कोभिड–१९ का कारण गत जनवरीमा लागू भएको लकडाउनपछि नेपाली विद्यार्थी जापान जान सकिरहेका थिएनन् ।

कोभिडका कारण जनवरी, अप्रिल, जुलाई र अक्टोबरका चारवटा इन्टेक होल्ड हुने भएकाले १० हजार नेपाली विद्यार्थी भिसा लिएर बसेको फ्रि एजुकेसनल कन्सल्टेन्सी एशोसिएसन अफ नेपाल तथा जापानी भाषा स्कूल (जालसान) का सदस्य सुदेश पोखरेलले जानकारी गराए ।

उनका अनुसार नेपाल र जापानमै भएका लकडाउनका कारण लगभग १० महिना हातमा भिसा र टिकट लिएर बसेका विद्यार्थी र कामदार होल्ड बस्नु पर्दा आर्थिक र मानसिक रूपमा नै विद्यार्थीलाई समस्या परेको छ ।
कोभिडकै कारण गत जनवरी पहिलो हप्तासम्म ३५ हजार रुपैयाँमा पाइरहेको एकतर्फी टिकट अहिले ९५ हजार तिर्दा पनि पाउन मुश्किल भएको पोखरेलले बताए ।
‘जापान सरकारले विदेशी उडान रोकेपछि करीब तीन गुणा बढी रकम तिरेर किनिएका टिकट क्यान्सिल गर्नुपर्ने भयो । क्यान्सिल चार्ज तिरेर टिकट स्थगन गर्दा यसले विद्यार्थीलाई थप आर्थिक भार थपियो’, उनले भने ।

जापान सरकारले एक महिनाका लागि जहाज रोकेसँगै विद्यार्थी र कन्सल्टेन्सीहरूलाई थप अन्योल बनाएको छ । कोभिडको महामारी झनै फैलिए जनवरीपछि पनि जापान सरकारले विदेशी उडान रोक्ने वा खोल्ने के गर्छ भन्ने कुराको यकिन छैन ।

अहिलेको परिस्थितिमा नेपाली विद्यार्थी जापान जान ढिलाइ भए पनि आत्तिनु नपर्ने बताउँछन् पोखरेल । ‘यो परिस्थितिमा जापान सरकारले आगमनमा रोक लगाए पनि विद्यार्थीलाई कठिन बनाउँदैन’, उनले भने ।

उनका अनुसार लकडाउनपछि अहिलेसम्म दुईदेखि तीनहजारसम्म विद्यार्थी जापान गएका छन् । नेपालबाट जापान अध्ययन गर्नका लागि जाने विद्यार्थीले करीब ७/८ लाखसम्म तिरिरहेका छन् । जालसान र फिकोनका अनुसार वार्षिक १० हजार नेपाली विद्यार्थी जापान पुग्ने गरेका छन् । जसले वार्षिक रूपमा ८ अर्ब रुपैयाँ जापान पुग्ने गरेको छ ।

भिसा लिइसकेकाहरुले जापान जान पाउने,बेलायत र दक्षिण अफ्रिका प्रतिबन्धित

जापानले बेलायत र दक्षिण अफ्रिका बाहेक अन्य देशका नागरिकले सम्बन्धित देशमा रहेका दूतावासबाट भिसा लिइसकेको भए उनीहरुलाई जापान प्रवेशमा नरोकिने जनाएको छ ।

सम्बन्धित देशको दुतावास बाट भिषा लिईसकेकाहरुको हकमा नयाँ नियम लागु नहुने विदेश मन्त्रालयको सूचनाम जनाइएको छ ।

प्रबेश सम्बन्धी नयाँ नियम लागु हुँदा सम्म भिषा लिएकाहरु जापान प्रबेश गर्न पाउनेछन’ बिदेश मन्त्रालयले भनेको छ । जापानले मार्च महिना देखिको प्रबेश प्रतिबन्ध अक्टुबर महिना बाट हटाएको थियो । प्रतिबन्ध हटाएको २ महिना पछि पुनः नयाँ प्रबेशमा प्रतिबन्ध लगाइएको हो ।

जापानी नागरिक र एजु (स्थाइ) बसोबास अनुमती पाएकाहरु स्वदेश फर्कदा १४ दिन क्वारेनटाइन बस्न नपर्ने यस अघिको नियम लागु नहुने भएको छ । यसको अर्थ उनिहरुपनि स्वदेश ९जापान० फर्केपछी १४ दिन अनिवार्य होम क्वारेनटाइन बस्नु पर्नेछ ।

बेलायत र साउथ अफ्रिकाबाट भने कसैले पनि जापान प्रबेश गर्न पाउने छैनन् । बेलायतमा छिटो संक्रमण फैलने नयाँ कोरोना भाईरस फेला परेपछि यस अघिनै बेलायत र साउथ अफ्रिकालाई जापानले प्रतिबन्ध लगाइसकेको छ ।

प्रतिक्रिया

Leave a Reply

Your email address will not be published. Required fields are marked *