शेरधनविरुद्ध अविश्वास दर्ता गर्न केन्द्रको निर्देशन कुर्दै प्रचण्ड–माधव समूह – Nepal Press

शेरधनविरुद्ध अविश्वास दर्ता गर्न केन्द्रको निर्देशन कुर्दै प्रचण्ड–माधव समूह

इटहरी । वाग्मती प्रदेशमा मुख्यमन्त्रीलाई अविश्वासको प्रस्ताव दर्ता भएको परकम्पन प्रदेश १ मा पनि परेको छ।

वागमतीमा झैं प्रदेश १ मा पनि नेकपा ओली समूहका मुख्यमन्त्री भएकोले अविश्वासको प्रस्तावको अनुमान बढेको छ।

प्रदेश १ को संसदीय दलका उपनेता तथा प्रचण्ड समूहका शीर्ष नेता टंक आम्बुहाङले अहिले नै अविश्वासको प्रस्ताव दर्ता नगर्ने नेपाल प्रेसलाई बताए। केन्द्रको निर्देशन आएपछि भने दर्ता हुनसक्ने आम्बुहाङले जानकारी दिए ।

प्रदेश १ को प्रदेशसभा साउन ९ बाट स्थगन भएको छ । ९३ सदस्यीय प्रदेशसभामा नेकपाका ६७ सांसद छन् । जसमा मुख्यमन्त्री शेरधन राईलाई पूर्व एमालेतर्फका २६ सांसदले भोट दिएर तत्कालीन एमालेको संसदीय दलको नेता हुँदै मुख्यमन्त्री बनाएका थिए ।

नेकपा एकीकरणपछि पनि राई दलको नेता र मुख्यमन्त्री छन् । प्रमुख सचेतक बुद्धिकुमार राजभन्डारी पनि ओली समूहकै हुन्। ओली र प्रचण्ड समूहले अविश्वास आएको खण्डमा कांग्रेससँग तालमेलको तयारी समेत गरेका छन् ।

कांग्रेस संसदीय दलका नेता राजिव कोइरालाले घुमाउरो रूपमा यसको स्वीकार गरेका छन् । नेपाल प्रेससँग बोल्दै कोइरालाले भने- अहिले सरकार बनाउने औपचारिक प्रस्ताव आएको छैन। तर,दुई पक्षका साथीहरूसँग स‌ंवादमा चैं म छु। प्रदेश १ सभाको प्रमुख प्रतिपक्षी दल कांग्रेससँग २१ सिट छन् । नेकपा फुटेपछिको नयाँ सत्ता समीकरण हुँदा कांग्रेस दुवै समूहलाई निर्णायक छ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर