चिनियाँ राजदूतको दौडाहा, बिहानै पुगिन् प्रचण्ड निवास – Nepal Press

चिनियाँ राजदूतको दौडाहा, बिहानै पुगिन् प्रचण्ड निवास

काठमाडौं । नेपाल कम्युनिस्ट पार्टी (नेकपा) विभाजन हुन नदिन सक्रिय रहेकी चीनिया राजदूत होउ यान्छीले विभाजित नेकपाका अध्यक्ष प्रचण्डसँग आज बिहान भेट गरेकी छन् ।

प्रचण्ड निवास खुमलटारमा भएको भेटमा पछिल्ला घटनाक्रमबारे छलफल भएको चिनियाँ दूतावासका एक अधिकारीले बताए । राजदूत र अध्यक्ष प्रचण्डको भेटमा समसायिक विषयमा कुराकानी भएको नेकपाका विदेश विभाग उपप्रमुख विष्णु रिजालले जानकारी दिए ।

नेकपाको आन्तरिक राजनीतिमा चीनको कतै पक्षधरता नहुने समेत उनले नेपाल प्रेसलाई बताए । यसअघि पनि पटक पटक नेकपामा विवाद हुँदा चिनियाँ राजदूतले केपी ओली, प्रचण्ड र माधव नेपालसँँग भेट्ने गरेकी थिइन् ।

राजदूतले मंगलवार साँझ राष्ट्रपति विद्या भण्डारीसँग पनि शीतल निवासमा भेट गरेकी थिइन् । चीनले नेकपा विभाजन नहोस भन्ने चाहेको थियो ।

प्रतिक्रिया

Leave a Reply

Your email address will not be published.

सम्बन्धित खवर